Popular Bible Verses from Vagalatia 5

Deildu

Navutswa likuyu lya Roho li veye ubuyanzi, nobusangali, nemirembe, nobwikudziri, netsimbabasi, nobulungi, nobusuuvirifu, nobuhokya, nokwelinda; si ha li nemiima gu sulana namakuva kuli yaga.

Navutswa mbola, Mu gende netsingulu tsya Roho, mu la vula kudukidza likayirwa lyomubiri.

Ni ku va ni ku veye mwoyo ku Roho, kandi ku gende netsingulu tsya Roho.

Kandi yava ava veye va Kristo Yesu va mali kubambwa mubiri halala nelyegombwa lyagwo lidamano nelikayirwa lyagwo.

Kunangwa miyinzi gyomubiri gyi veye habulavu, nagyo: namalaya, nekifwabwi, nokutsia mbakana, nokusigamira misambwa, nobukumu, nobusigu, nelihing'ana, nembodoka, nobutima, namahangali, nokwavukana, nokwekala vidieli, nelikendeka, nobuhambiki, nevindu vyoluyai, nevindu kuli yivi; ku vindu yivi ntanga kumuvolera kuli wa nda mu volera, yava ava kolanga vindu kuli yivi si va li nyola ubwami bwa Nyasaye.

Kigira mwinye avamitu, mwa Iangwa mu nyole libohololwa; navutswa libohololwa lyenyu li ta va ubwiyangu bwomubiri, navutswa mu tumikirane avene navene nobuyanzi.

Kigira mubiri gu kayirangwa, ma gu tamana na Roho, kandi Roho a tamana nomubiri; kigira yivi vi tamana vyene na vyene; mbuli kukola vindu vya mwenya.

Kigira lilaga lyosi li dukidzireywi mu likuva lilala, nalyo ni yili, U yanze mutende kuli weyanza mwene.

Ku tenya liidzominywa lya vutswa nokuhing'ana avene navene, nokukolerana imbodoka avene navene.

Mu libohololwa lya Kristo ya ku boholola nalyo, mu singire mu budinyu, kandi mu ta gumirwa hali kaviri nenira yobutugwa.