Popular Bible Verses from Vafeso 2

Deildu

Kigira kwinye ku veye miyinzi gyigye, kwa lomberwa mu Kristo Yesu ku duke kukola miyinzi milahi, gya Nyasaye ya tanga kulomba ku duke kugenda mugyo.

Kigira mu honnyeywi netsimbabasi kigira lisuuvira; nalyo si lya twula ku mwinye avene, li veye kihaanwa kya Nyasaye; si li veye lyemiyinzi, mundu ku vosi a vule kwiidzominya.

navutswa Nyasaye, kigira ya li netsimbabasi tsinene, kigira ubuyanzi bunene bwibwe bwa ya yanza kwinye, kali inyinga kwa li avakudzu kigira mahyolo getu, ya ku ha livamwoyo halala na Kristo (mu honnyeywi netsimbabasi)

kandi ya ku si mugukidza halala naye, nokukwikalidza halala naye mu vyomigulu mu Kristo Yesu

Kunangwa mwinye si mu veye avageni navavitanga kandi, navutswa mu veye avehiri indala navatakatifu, kandi avenyumba ya Nyasaye, kigira mwombakeywi mmuse gwavatumwa nava profeti, Kristo Yesu mwene a veye ligina lyolwiga linene