Popular Bible Verses from Ndandililo 27

Deildu

Akunnungu antuluchisye ula kutyochela kwinani, ampe ngunda waukwete chajila, ni yakulya ni divai kwa winji. Ŵandu ŵa ilambo yose antumichileje mmwe, ni ŵandu ŵa ngosyo sine antindiŵalileje kwa luchimbichimbi. Mmwejo mme chilongola jwa achalongo ŵenu, ŵanache ŵa chilume ŵa achikulu ŵenu antindiŵalileje kwa luchimbichimbi. Alweseche ŵandu wose ŵakunlwesya mmwe, Akole upile ŵandu wose uchampe mmwe upile!”

Che Esau ŵatite, “Lyeleli lili ligongo akuŵilanjikwa che Yakubu! Anyenjile une kaŵili. Kaandanda ŵaasumwile ukulungwa wangu wa kupagwa, ni sambano aujigele upile wangu.” Nipele ŵausisye atatigwe, “Ana atati nganimusigachisya upile wauliwose?”

Nipele che Isaka, ŵansalile, “Chintame pamalo pangali chajila, ni ula ngajinya kutyochela kwinani. Timme mundu jwakuputana ngondo, ni chinchiŵa jwakutumichila jwa mpwenu; nambo pachinkane kwitichisya malajisyo gakwe chinchityoka paasi pa ulamusi wa mpwenu jo.”

Che Esau ŵammusisye atatigwe, “Ana atati, nkwete upile umo pe? Choonde atati mumbe upile noneji jwakwe!” Pelepo che Esau ŵatandite kulila kwa liloŵe lyekulungwa.