Popular Bible Verses from Ndandililo 17

Deildu

Che Ablamu paŵaliji ni yaka tisini ni tisa, Ambuje ŵaakopochele ni kwasalila, “Une ndili Akunnungu Jwamachili. Mumbikanile ni kutenda yaili yambone moŵa gose.

Kutandilila sambano, ngammilanjikwa sooni che Iblamu nambo chimmilanjikwe che Ibulahimu, pakuŵa nantesile kuŵa atati ŵa ilambo yejinji.

“Ngulilimbisya Lilangano lyangu pasikati jangu une ni mmwe, ni uŵelesi wenu ni iŵelesi yao yose moŵa gose pangali mbesi. Chime Akunnungu jwenu ni chime Akunnungu jwa uŵelesi wenu.

“Nguŵika lilangano li ni mmwe: Chimme atati ŵa ilambo yejinji.

Nambo Akunnungu ŵajanjile, “Ngwamba, ŵankwenu che Sala chammelechele mwanache jwannume, nomwe chimummilanje liina lyakwe che Isaka. None chimiche lilangano lyangu ni jwelejo liŵeje lya moŵa gose pangali mbesi kwa uŵelesi wao waukwika.

None chinampe mmwe ni uŵelesi wenu achi chilambo chinkutama mpela achalendo. Chilambo chose cha Kanaani chichiŵe cha uŵelesi wenu moŵa gose pangali mbesi ni une chime Akunnungu jwao.”

Pelepo che Ibulahimu ŵakoteme mpaka paasi ni kuseka chikatikati achilisalilaga, “Ana chikomboleche chinauli kwa mundu jwa yaka lichila kola mwanache? Ni uli che Sala jwa yaka tisini ikomboleka kola mwanache?”

Nipele Akunnungu ŵaasalile che Ibulahimu, “Yankati ŵankwenu, ngamwaŵilanga soni che Salai, nambo liina lyao chiliŵe che Sala.

Chimbumbale, chele ni chichiŵe chimanyisyo cha lilangano pasikati jangu ni ŵanyamwe.

Nambo lilangano lyangu nguliŵika ni mwanagwenu che Isaka juchammelechele che Sala, katema mpela akano pa chaka chachikwika.”

Kila mwanache jwannume jwa moŵa nane pakumala kupagwa mwa ŵanyamwe aumbale. Kila jwannume jwa mu uŵelesi wenu, pamo ni kapolo jwapagwile mu nyuumba jenu pane kapolo jwasumikwe kutyochela kwa achalendo aumbale. Elo kila mwanache jwannume jwapagwile mu nyuumba jenu atamuno jwasumikwe kwa mbiya syenu aumbale. Chelechi chichiŵe chimanyisyo mu ilu yenu cha lilangano lyangu lya moŵa gose pangali mbesi.