Popular Bible Verses from Ndandililo 15

Deildu

Che Iblamu ŵaakulupilile Ambuje, nombe Ambuje ŵaŵalanjile kuti ali mundu jwakupanganya yambone paujo pao.

Pagamasile gelego, liloŵe lya Ambuje lyaichile che Iblamu mu yakwiwona, “Che Iblamu! Nkajogopa! Une chinjingosa. Chinjimpa mbote jekulungwa!”

Pelepo Ambuje ŵankopwesye paasa che Iblamu ni kunsalila, “Nnole mwinani! Mmalanje ndondwa, iwaga chinkombole kuŵalanga! Iyoyo peyo uŵelesi wenu ni uchiiŵe wejinji!”

Nipele Ambuje ŵaasalile sooni, “Ajuju ngaaŵa juchalisi indu yenu, nambo mwanache juchimummeleche mwasyene, jwelejo ni juchalisi indu yenu.”

Pele Ambuje ŵaasalile che Iblamu, “Mmanyilile kusyene kuti uŵelesi wenu chiutame nti achalendo mu chilambo changaŵa chao, chaŵe achikapolo ni chalaje kwa yaka mia nne.

Nambo che Iblamu ŵajanjile, “Alakwe Ambuje Akunnungu, chimumbe ichichi akuno ngutama pangali mwanache, ni aju juchalisi indu yangu ali che Eliasali mundu jwa ku Damesika?”

Lyele lyuŵa Ambuje ŵatesile lilangano ni che Iblamu achitiji, “Uŵelesi wenu chinaape achi chilambo chi, kutandila lusulo lwa Misili mpaka lusulo lwekulungwa lwa Efulati

Pa uŵelesi wenu wa ncheche, uŵelesi wenu chiuuje apano ligongo ugongomalo wa Ŵaamoli ngaunaŵe kumalila kuti alamulikwe.”