Popular Bible Verses from GENESISE 3

Deildu

Mosadi a re a bona fa setlhare se le molemo go jewa, se bile se kgatlha mo matlhong, le gone fa setlhare se eletsega go tlhalefisa motho, a tsaya loungo lwa sone, a ja. A ba a lo naya monna wa gagwe a na nae, le ene a ja.

Jaana noga ya bo e le boferefere bogolo go ditshedi tsotlhe tsa naga tse Jehofa Modimo o di dirileng. Ya raya mosadi ya re: “Kana, a ruri Modimo o rile: ‘Lo se ka lwaa ja ditlhare tsa tshimo’?”

Ke tlaa tsenya bobaba fa gare ga gago le mosadi, le fa gare ga losika lwa gago le losika lwa gagwe. Lone lo tlaa tapeta tlhogo ya gago, mme wena o tlaa loma serethe sa gagwe.”

A raya mosadi a re: “Ke tlaa go ntsifaletsa matshwenyego a go ima ga gago. O tlaa belega bana ka bohutsana; keletso ya gago e tlaa nna kwa monneng wa gago, mme o tlaa go laola.”

O tlaa ja dijo ka mofufutso wa sefatlhogo sa gago go fitlhelela o boele mo mmung, gonne o ntshitswe mo go one. Gonne o lorole, mme o tlaa boela mo loroleng.”

A raya Atame a re: “E re ka o reeditse lentswe la mosadi wa gago, o jele ga setlhare se ke se go laetseng ka re: ‘O se ka wa se ja,’ mmu o hutsegile ka ntlha ya gago. O tlaa ja ga one ka letsapa, malatsi otlhe a botshelo jwa gago.

Mme a re: “O boleletswe e mang fa o sa ikatega? A o jele setlhare se ke se go laetseng, ka re, o se ka wa se ja?”

Jalo a lelekela motho kwa ntle; kwa ntlheng ya botlhabatsatsi ga tshimo ya Etene a baya ditšheruba, le kgabo ya tšhaka e e tukang, e kgadikanela ntlheng tsotlhe, go thiba tsela e e yang setlhareng sa botshelo.

Monna a raya mosadi wa gagwe leina a re Efa, ka gobo e le mmabatshedi botlhe.