Popular Bible Verses from मरकुस 14

Deildu

“ओ डायला बाह! ओ बाह! तारी सी आखु कंय हय जाय; एतरे आहया दुख ना पीयाला ने मारीन्‌तां गेथो सेटो कर ले: ते बी मारी मरजीन अनसारे नी पण तारी मरजीन अनसारे हयवा दे।”

जीव ते तीयार से, पण डील ते कमजोर से। एतरे तमु पारख मे नी पड़वा जोवे करीन जागता रीन वीन्‌ती करता रेवो।”

मे तमने ह़ाचलीन केम, “आखी कळी मे जां-जां खुस-खबर नु परच्‌यार हयहे, तां-तां माणहु आना आहया काम ने बी फोम करीन नामल्‌हे।”

अने तीहयो तीमने केदो, मारु मन घणु दुखी से; एतरे मारो जीव नीकळवात हींडे, एतरे तमु आञेत रेवो, अने चेतीन रीन जागला रेवो।

जत्‌यार तीहया खावा बाज रेला, ता ईसु हात मे रोट्‌लो धर्‌यो, अने रोट्‌ला जुगु भगवान ने, तु घणो वारु से कीन रोट्‌लो भागीन आह़फा ना चेला ने आपतो जीन केदो, “लेवो, आहयो रोट्‌लो खावो, आहयो रोट्‌लो मारु डील से।”

आहयी रीते रोट्‌लो खायलीन ईसु अंगुर नो रोह भरला पीयाला जुगु भगवान ने तु घणो वारु से कीन चेला ने आप्‌यो अने तीहया आखा तीनी मे गेथो पीदा। आहयु तीहयो तीमने केदो, “आहयो अंगुर नो रोह नो पीयालो, मारा लोय मे बोली करला नवला वायदा नी सेलाणी से, आहयु लोय मे तमारी जुगु वयाड़वा वाळो से।”

तत्‌यार वाट्‌ये ईसु तीमने केदो, “तमु आखा मने सोड़ीन वीरखी जहु, काहाके लीखलु से: ‘मे गुवाळ्‌या ने मार नाखही, अने गाडरा रीवण्‌या-तीवण्‌या हय जहे।’

उठो, आपणु जता, देखो मने धोको दीन बीजा ना ह़ात मे ह़ोपवा वाळो ह़ातेत आय र्‌यो।”

ईसु पतरस ने केदो, “मे तने ह़ाचलीन केम, तु आज राते बे कावा कुकड़ा वाहवा ना पेले, तीन कावा मारो नीकारो करही।”