Popular Bible Verses from Kîam 21

Deildu

Ngai-Mûnene nîwarathimire Sara wata ûrîa aamwîrîrîte.

Ngai nîwegwire kamwana kau gakîrîra. Nake mûraika wa Ngai kuuma îgûrû, nîwaririe na Hagari akîmûria atîrî, “Nîndûî kîrakûthînia Hagari? Tiga kûmaka nîûndû Ngai nîwegua kavîcî gaku gakîrîra karî varîa karî. Ûkîra ûthiî ûnyite kavîcî kau ûkaûmîrîrie, nîûndû nîngaagatua rûrîrî rûnene.”

Iburahimu aarî mûthuuri mûkûrû vîndî îrîa Sara aagîre îvu na agîciara kavîcî. Kavîcî kau gaaciarirwe kavinda wa karîa Ngai-Mûnene aaugîte nîgagaaciarwa.

Nake Sara nîwaugire atîrî, “Ngai nîatûmîte ntheke na mûndû wa wonthe ûkeegucaga ûvoro ûyû wa nake akaathekaga.”

Nwatî Ngai nîwerire Iburahimu atîrî, “Ndûkathînîke nîûndû wa kavîcî kau na ng'ina Hagari ndungata yaku ya mûndûmûka. Îka ûrîa Sara akwîra, nîûndû njiarwa irîa nie naakwîrîre ikaaumana na Isaka.

Wana nîngaava mwana wa mûndûmûka ûrîa ndungata rûrîrî, nîûndû wa nake nî mûvîcîguo.”