Popular Bible Verses from उत्पत्ति 37

Deildu

यूसुफ नै एक सपना देख्या, अर अपणे भाईयाँ तै उसका जिक्र करया; फेर वे उसतै और भी घणा बैर करण लाग्गे।

अर इस्राएल अपणे सारे बेट्याँ तै बढ़कै यूसुफ तै प्यार करया करदा, क्यूँके वो उसकै बुढ़ापे का बेट्टा था अर उसनै उसकै खात्तर रंग-बिरंगा अंगरखा बणवाया।

पर जिब उसके भाईयाँ नै देख्या, के म्हारा पिता हम सारे भाईयाँ तै घणा उस्से तै प्यार करै सै, तो वे उसतै बैर राक्खण लाग्गे अर उसकै गेल्या ठीक तै बात भी न्ही करया करदे।

फेर उसनै एक और सपना देख्या, अर अपणे भाईयाँ तै उसकै बारै म्ह भी बताया, “सुणो, मन्‍नै एक और सपना देख्या सै, के सूरज, चाँद, अर ग्यारह तारे मन्‍नै दण्‍डवत करण लागरे सैं।”

उसके भाई तो उसतै जळण तै भरे थे; पर उसकै पिता नै उसकी सारी बात्तां ताहीं याद राख्या।

उसनै उनतै कह्या, “जो सपना मन्‍नै देख्या सै, उस ताहीं सुणो आपां सारे खेत म्ह पूळें बांधण लागरे सां, अर मै के देक्खूँ सूं के मेरा पूळा उठकै सीध्धा खड्या होग्या; फेर थारे पूळयाँ नै मेरै पूळे ताहीं च्यांरु ओड़ तै घेर लिया अर उस ताहीं दण्‍डवत करया।”

इस करकै आओ, हम उसनै मारकै किसे गड्ढे म्ह गेर द्या, अर अपणे पिता तै न्यू कह द्याँगे, के कोए जंगळी-पशु उस ताहीं खाग्या। फेर हम देक्खांगे के उसके सपने किस तरियां पूरे होवैंगे।”

उस बखत मिद्यानी व्यापारी ओड़ै तै होकै उनकै धोरै तै गुजरे। इस करकै यूसुफ के भाईयाँ नै उस ताहीं उस गड्ढे म्ह तै खींचकै बाहर लिकाड्या, अर इश्माएली व्यापारी माणसां ताहीं चाँदी के बीस टुकड्या म्ह बेच दिया; अर वे यूसुफ नै मिस्र देश म्ह लेगे।

अर वे आप्पस म्ह कहण लाग्गे, “देक्खो, वो सपना देखण आळा आण लागरया सै।

जिब उसके भाईयाँ नै उस ताहीं दूर तै आन्दे देख्या, तो उसकै धोरै आण तै पैहल्याए उननै उस ताहीं मारण की साजस रची।

पर रूबेन नै उनतै कह्या, “लहू ना बहाओ, उसनै जंगळ-बियाबान के किसे गड्ढे म्ह गेर द्यो, अर उसपै हाथ ना उठाओ।” वो यूसुफ नै उनके हाथ्थां तै बचाकै अपणे पिता कै धोरै पोहचाणा चाहवै था।