Vinsæl biblíuvers úr SENESI 37

Deildu

Nee fai leva e Sosefo he moemisi, pea nee ina fakamatala leva ki ona tehina, o toe lesili fehia ai leva ia natou kia ia.

Nee ofa ia Iselaele kia Sosefo o lahi age i ona foha fuli, o tupu nee ina mau ia ia kae kua matua; pea nee ina fai leva he kofu lanu kehekehe kia ia.

Nee sio leva ona tehina e lahi age te ofa o tanatou tamai kia Sosefo ia natou fuli, pea nee natou fehia leva kia ia. Nee mole feala ke natou palalau lelei kia ia.

Nee ina toe fai foki he tahi moemisi, pea nee ina toe fakamatala leva ki ona tehina. Nee ina ui leva: Nee au toe fai foki he tahi moemisi: nee au sio ki te laa, mo te mahina, pea mo te u fetuu e hogofulu ma tahi, e tulolo i oku mua.

Nee finenonofo leva ona tehina kia ia, kae nee taupau leva e tana tamai te u mea aia i tona loto.

Nee ina ui leva kia natou: Ke koutou fakalogo mai ki te moemisi aeni kua au fai! Nee tou lolotoga hai te u fuhiga fulumeto i te u gaueaga, pea koeni, nee malaga ake leva taku fuhiga fulumeto, o tuu totonu ki oluga, pea alu ake leva akotou fuhiga fulumeto o takatakai ia ia, pea nee natou punou leva kia ia.

Koutou omai i te temi aeni, tou tamatei ia ia pea tou li ia ia ki he foi tane i te u foi tane aeni. E tou ui anai kua kai ia ia e he manu fekai, pea e tou sisio anai pe e iku feafeai anai ana moemisi.

I te kaku ake a te kau Matiane kia natou, nee natou toho ake leva ia Sosefo mai te foi tane ki tua, pea nee natou fakatau leva ia ia o uafulu foi sikele* paaga ki te kau Isemaele, ae nee natou ave leva ia Sosefo ki Esipito.

Nee natou feuiaki leva: Koeni te tagata faimoemisi e hau kia tatou!

Nee natou sisio mai leva kia ia mai mamao, kae i mua o tana kaku ake kia natou, nee natou fonofono leva ke tamatei ia ia.

Pea nee toe ui leva e Lupeni kia natou: Aua naa koutou liligi te toto; koutou li ia ia ki te vaikeli aeni i te toafa, kae aua naa fafa okotou nima kia ia. Nee palalau feia leva ia ia koteuhi kua ina fakatuutuu ke ina haofaki ia Sosefo mai te u nima o ona tehina, o toe fakaliliu ia ia ki tana tamai.