Popular Bible Verses from SENESI 22

Deildu

Nee foaki leva e Apalahamo ki te kogamea aia te higoa ko Sehova-Sile. Koia ae e lau ai ia aho nei: I te mouga e foaki anai e te Eteleno te mea ae e aoga.

Nee ui leva e te Atua: Too tou foha, tou foha ulutokotahi, ae e ke ofa ki ai, ko Isaake; alu ki te fenua o Molisa, pea ke momoli ia ia i te kogamea aena ko he failaulau i oluga o he mouga ae e au fakaha atu anai kia koe.

Nee ui leva e te aselo: Aua naa fafa tou nima ki te fanau, pea aua naa ke fai he mea kia ia; koteuhi e au iloi i te aho nei e ke mataku ki te Atua, pea nee mole ke fakafisi mai kia au tou foha, tau ulutokotahi.

Nee tali leva e Apalahamo: Oi toku foha, e tokaga anai te Atua totonu ki te akeno o te failaulau. Pea nee na haele fakatahi leva, toko lua.

E au tapuaki anai kia koe, pea e au liuliuga anai tou hakoga o hage ko te u fetuu o te lagi, mo te one o te matatai; pea e mau anai e tou hakoga te matapa o ona fili. E tapuakina anai te u puleaga fuli o te kele i tou hakoga, koteuhi nee ke fakalogo ki toku leo.

I te hili ki ai o te u mea aia, pea nee ahiahii leva e te Atua ia Apalahamo, pea nee ina ui leva kia ia: Apalahamo! Pea nee ina tali leva: Koeni au!

Kae nee kalaga leva te aselo a te Eteleno mai te atu lagi, o ui: Apalahamo! Apalahamo! Nee ina tali leva: Koeni au!

Nee toe paui leva te aselo a te Eteleno mai te atu lagi kia Apalahamo, ko tona tua lua aia, o ui: E au fakapapau ia au totonu, folafola a te Eteleno! Koteuhi nee ke fai te mea aia, pea nee mole ke fakafisi mai kia au tou foha, tau ulutokotahi.

Nee na kaku leva ki te kogamea ae nee ui ki ai e te Atua, pea nee fakatuu leva e Apalahamo he aletale, pea nee ina fakatoka leva te fafie i oluga. Nee ina hai leva tona foha ko Isaake, o hili ki te aletale, i oluga o te u fafie.