Popular Bible Verses from SENESI 11

Deildu

Nee ui leva e te Eteleno: Koeni, e natou nonofo ko he hahai e tahi, pea e natou palalau ki he lea e tahi, pea koeni te mea kua natou kamata fau; i te temi aeni e mole he mea ae e ina toe taofi anai natou i te fakahoko o te u mea fuli ae e natou loto anai ki ai. Koia tou hifo o veuki ai tanatou palalau, ke aua naa natou toe felogoi ia natou.

Nee natou toe ui leva: Tou tutuu ki oluga, pea tou fakatuu he kolo mo he tule ae e kaku tona tumutumu ki te lagi; ke logologona ai totatou higoa, pea ke aua naa tou mavetevete anai i oluga o te kele katoa.

Koia ae nee tuku ai leva ki te kolo aia te higoa ko Papele, koteuhi ko te kogamea aia nee veuki ai e te Eteleno te lea o te kele katoa, pea ko te kogamea aia nee fakamavetevete ai natou e te Eteleno i oluga o te kele katoa.

Nee palalau tahi te kele katoa, ki he lea e tahi mo ni kupui palalau e tatau.

Nee hifo leva te Eteleno o sio ki te kolo mo te tule ae nee fakatuu e te u foha o te tagata.

Pea nee fakamavetevete leva natou e te Eteleno i oluga o te kele katoa; pea nee natou fakagata leva i ai te fakatuu o te kolo.