Popular Bible Verses from UMOZHIGO 39

Deildu

AGWANGWAMA kaa namɛ no Josɛf, baa shɛ bụtụ na iyi elele zhɛmanɛ, baa namɛ ni ihwɛ ya agwuma-ihwɛ ibwɛ na shɛ Bijipti ata.

Ibɛ po go Potifa gengeni Josɛf iyi elele ni i'ɛlɛ ibwɛ maa ngbaraka iŋ. Bi mepi shi ya okwo iyi elele nɛ baa 'yajɛ o, semi iyimɛyɛ nɛ baa ya kiri. Go Josɛf kaa sebi usemberi tebiye, baa pilanụ kaa igbɛtɛtɛ.

Ibɛ po bungbaracɛ bu umwono ata tishi utegeni Josɛf atwa na zweni nu umwono ata tishi kpaaŋ. Iyi elele nɛ kaa zhɛ ya nda apata, go Josɛf ubwa zhɛ ba nda iŋ.

Nazhɛ agwuma-ihwɛ Josɛf shepi bu bee shiyeni nu umwono-tishi, no ofwo na ee kepi ajama agwuma, baa namɛ apata nu umwono-tishi. Ama AGWANGWAMA kaa namɛ no Josɛf, bee hieci inyɛmɛnyɛmɛ ibwɛ, iwɛ ubwa kaa kwụlanɛ bungbaracɛ bu umwono ata tishi.

Na aba ibɛ biyikwo ba agwuma-ihwɛ Josɛf ngbarakacɛ bụ, bɛɛ hiɛŋ Josɛf, hwure woto ne mi. Ama go Josɛf lacɛ, bɛɛ hiɛŋ biyikwo ba agwuma-ihwɛ ibwɛ, Hioko, agwuma-ihwɛ mi mepi shi iwɛ iyi elele nɛ namɛ ne mi ni ihwɛ gɛ o, Gamba kaa bee utegeni iyi elele nɛ baa 'yajɛ hwɛɛ. I zasa kaa bụtụ na te me hwuri ni ihwɛ gɛ ya o, i zasa kaa iyi elele nɛ baa n nyashɛ o, semi gabụ, iwɛnɛ ta abɛ shɛ biyikwo bwa. Gana na Ngee te eri ma nda iyi ci'nyɛ i ci gana ga, maa ma nda Agwatana iwɛwɛɛ?

Ama jitoo ko, tu go Josɛf teni nu umwono maa nda ugondu ubwa, i zasa kaa bụtụ okwo bu ko na ashashɛ etwenyi ihwɛ ɛtɛ namba nu umwono ata o. Nazhɛ biyikwo ata 'imɛ utogwo Josɛf, bɛɛ hieŋ, Hwure woto ne mi. Ama go Josɛf ganganɛ bụ utogwo ubwa ni i'ɛlɛ ibwɛ, bee gezhije, baa banɛ nu umwono.