Popular Bible Verses from ỤBANỤ 32

Deildu

Aka na ta atwa kwụbɛ maa go Moses ilegeji tuzwe ni ihiŋhiŋ Ishɛmɛ, ibɛ po atwa ata ụlwatagwụ pa Aron, ɛɛ hiɛŋ bụ, Ishijɛ maa utu ndanɛ itɛtɛnuwɛŋ nɛ zhɛ ma tɛ 'yagaga. Yaa shɛ inɛ Moses ga iti bɛcinjɛ na cɛnjɛ ti Ijipti, ti mepi shi iyi nɛ jiteni bu o.

Nazhɛ AGWANGWAMA hiɛŋ Moses, Zhaga zwo; iwɛnɛ ta atwa ga bụ, ɛbi bɛcinjɛ na cɛnjɛ ti Ijipti, o momo tocingwo ụdamụ. A vwụlwa kakayɛ o gongwo uhwaŋna na Ngee peni aŋ unu cebe; a mama ndwanua yɛu buna, aa zhɛba iŋ, o towo ụrụpɛ; ɛɛ hiɛŋ, Oo ahiɛba E'isrɛl, tuwa ti hiŋ tu na ti hi bɛcinjɛ na cɛnjɛ ti Ijipti na!

Gana na ti ga Aron kwụbɛ iŋ, bee meni iŋ utukwu-ụrụpɛ nu umbe ibɛ, bee enenji bɛɛ hiɛŋ, Beyi ga ibɛ shɛ ụjita isene ya AGWANGWAMA. Ibɛ po aa gbatụ ti'ishijɛ ti iyi heri, nu uvwungwa dididi, oo to ụrụpɛ tuhwoŋzhingo, e sugeneni arụpɛ amɛ-olom. Nazhɛ atwa ata jɛjɛ maa a yɛ iyimɛyɛ maa e swe iyi tuswa, ɛɛ ishijɛ maa a nanjɛ tụlagwụ.

Ti iyi heri, go Moses hiɛŋ atwa ata, Hiɛ njɛ iwɛwɛ i'wɛtwɛ 'wɛtwɛ. Hwuwayɛ go N zhɛ mo mungo sasana pa AGWANGWAMA; nekeshi ba hi gangana iwɛwɛ hiŋ.