Popular Bible Verses from ỤBANỤ 20

Deildu

Gamba n shɛ AGWANGWAMA na shɛ Agwatana bụ, na ubu bɛcinjɛ na cɛnjɛ ti Ijipti, tu na abɛ shɛ la bujama. Ta zhɛba tuwa o, semi ga shɛ Gamba.

Ta mama shabana itɛtɛnuwɛŋ nɛ sụbɛ iyi elele nɛ namɛ na azuba, kwo kaa ụsụbwa iyi nɛ namɛ tuta ta cɛnjɛ tu unyizo, kwo kaa ụsụbwa iyi nɛ namɛ na amɛ meni tuta tu unyizo. To kwuzono tuwa te elele kwo kaa maa zhɛbɛ tụ o. Gamba n shɛ AGWANGWAMA na shɛ Agwatana bụ, N zha shɛ mo bu lonono maa na 'yaga tuwa o. N zhɛ ma pana atwa na mo n imo ulwapɛ tutu ajalalo keeni anyabɛshɛ aba.

Muna shibi keeni nobu ụjɛrụma, iwɛ maa yɛ urugbo na amɛ cɛnjɛ tu na AGWANGWAMA na shɛ Agwatana bụ zhɛ ma bu pana.

Ne teyinje Ụjita-ụhinjanụ, maa ubu shanɛ ụjita tijilo.

Ta suyana izeci ya AGWANGWAMA na shɛ Agwatana bụ ni iwɛ tɛgadaga o. AGWANGWAMA zhɛ a pana bụtụ be elele na ba suyana bụ ni iwɛ tɛgadaga n-ndumwa-tụwụma.

Na amɛ ijitɛ icihiŋ abɛ shɛ ba nda ugondu bu kpaaŋ; ama ụjita ucenje ụ shɛ Ụjita-ụhinjanụ wa AGWANGWAMA na shɛ Agwatana bụ, bɛ shɛ shɛ ba nda ugondu we elele nụ ụjita ata o, tu gabụ ta miaụŋ mụ bụ me eyi, ta mu na mo o, ta bujama bụ be eyi, ta bujama bụ bo o, ti iyimabiga bụ, ta alashɛ na namɛ na cɛnjɛ tụ bụ.

Ta nda ukwedeyi ihwɛ uyebi bu o; ta nda ukwedeyi biyikwo bu uyebi bu o, ta bujama bwa be eyi, ta bujama bwa bo o, ta buna bwa be eyi, ti izhinyɛci ibwɛ, kwo kaa iyi elele nɛ uyebi bu 'yajɛ o.

Ta la tiseyida tu tukata no ofwo uyebi bu o.

Ta nda tuwɛle o.

Ta kwụna bụtụ o.

Ta nda izunde o.