Popular Bible Verses from Iáno 3

Deildu

Devléske adiáke jaciá drógo svéto, so Jov otdyjá Péskire Jekhebijanypnytkone Čhavés, sob (kaj) kažno, kon javéla te patial dre Léste, te na xasjol, a te javél léste viéčno džiibén.

Devél na bičhadiá Péskire Čhavés dro svéto, sob (kaj) te sendiakirél svéto, a sob (kaj) pir Léste svéto te javél zrakhno.

Isúso dro otphenybén phendiá léske: “Čačes, čačes Me rakiráva túke: kon na bijandjola nevéstyr, na dykhéla Kralipén dro Devléskiro Rajo.”

Odová, kon patiála dre Léste, sendiakirdo na javéla, a kon na patiála, isyn sendiakirdo, pal-dová so jov na patiandyja dre Jekhebijanypnytkone Devléskire-Čhavéskiro lav.

Séndo isyn dre dová, so dud javdiá dro svéto, a manušénge butýr pir iló jaciá kalypén (cjomnyma), syr dud, pal-dová so léngire réndy (diély) sys nalačhé.

Léske trej te barjol, a mánge te tyknjovav.

Kažno, kon keréla fuipén, léske isyn na pir iló dud (svéto), i jov na džála ke dud, pal-dová, sob (kaj) te jačen džindlé nalačhé réndy léskire.

Odová, kon patiála dre Devléskire Čhavéste, léste javéla viéčno džiibén; a kon na patiála dre Devléskire Čhavéste, odová na dykhéla džiibén, a Devléskiri xolý javéla pe léste saró viéko.”

Syr Mójza (Moisiejo) ĥazdyjá sapes pe čhučí phuv, adiáke Čhavéske Manušeskireske treindiá te javél ĥazdynó

Dadéske isyn drógo léskiro Čhavó i Jov saró otdyjá dre Léskire vastá.