Popular Bible Verses from Džiibén 25

Deildu

O Raj Devél phendiá láke: “Duj rázna kherítka ródy (pliémi) isyn dro tyrí ločoví (utroba), i duj rázna manušýtka nácyi (narody) vydžána tyré ločoviátyr; jekh manušá javéna zoraledýr javirendyr, i phuredýr javéla te dynarinél (te služynel) tyknedyršoneske.”

I Isávo phendiá Jakovóske: “De mánge te xav davá loló, pal-dová so me khinyjom.” Daléstyr les prokharde: Edómo.

I Isaáko mangdiápe Ráske-Devléske pal péskire romniáte, pal-dová so láte na sys čhavoré; i šundiá les Raj Devél, i léskiri romný Rieviéka jaciá pharí.

Isávo phendiá: “Ĥáda, me meráva; so mánge dre davá anglatuné bijanypnastyr?” Jakovo phendiá: “Akaná sovláha mánge.” Jov sovlahadiá léske, i bikindia péskiro anglatunó bijanypén Jakovóske.

Paló (poslie) davá vygijá léskiro pšal, savó rakirdiape péskire vastésa pal Isavoskiri piénta (khur); i sys dynó léske lav: Jakovo. Isaakóske sys šovdešá berš, kiéli jone bijándyne.

Isaakóske sys drógo Isávo, pal-dová so jov starelas i janelas te xal léske péskire doresybnastyr, i davá sys pir iló léske; a Rieviekake sys drógo Jakovo.