Popular Bible Verses from Roma 12

Deildu

Ke ca he ka tha hwakecibun me hmeledrany: ke so he ka wiʼ öbun hnen ohâtâ je hnyekubun, me me khanʼ öbun weny Khong ae so, me hnân osenyinâ, me wisa.

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

senyin hnyi gejon; hokhnyokâ ju vec; labö hic bala

Ca he ka ngʼ öbun ge monu, ke ngâ but monu ge so.

Ibetengiököu ju öbun ge ibetengiö anyin liamekeiny; bebân he ka ogânâ ke at me ke at

E so betenge ke ba thoi hnyin. Ikikiâ thö ûnyi ae kong; kece ju ka ûnyi ae so.

Laba ûsoköu me tavat hia a ne khanʼ öbun.

Je oûnykûmik lö, ca he öbun ka bi hwaban monu, ke nom ju ka at ae tren hmonyin: anyin adre hia but sihnalimen, ka habe, Haingen Than ame ha, Hamök he ka bi hwaban monu, oge me he bi nya ka bi hwaban.

hnyi huliwa wia ke ca sënyin bi; hwege ju hnyi oûnykûmibun; athnyabainy dö Than

Anyin a inya oge me ha köbun hia thithö, hnen betenge baû adre ham könya, ka habe, ca he ke at ka ûnykûme ogânâ e bi hon ûnyi ae ûcû he ka ûnykûme, ke ûnykûme ûhnyûkongoâ thibi, hoton hna khenâ ka ke at me ke at tulutiny labageju hnen Khong.

Ca bi hwaban bi monu anyin ke at ge monu. Penapena thö ta je ûnyi ae ûcû hnyi hnyimakan tavat hia.

Tha hnyokköuâ juöbun. Ca ûnykûme bi ta je ûnyi ae görany, ke ca höcö he ka vheno ta je ûnyi ae hnyikânâ. Ca bemetâ bi öbun hnyi je ûnykûmenöbun.

Ke a ne mekihnânem iwahnaihmiony möu, hân ju; ame ne beic, habelen: anyin a u je ne ânyâ e, me u me ûkhöûnâ je walep ae möt hon ban bi.

Hahnahici ödra ju waleji adre me oveci öbun; hahnahicâ, ke ca hangâ bi. Tha senyin dö me tavat adre me senyin; tha tenge me tavat adre me tenge.

haomjehen ju tavat ae kap hnyi hnödra hna theduoc; khenen ju he ka imetenyimwi me ta je atkanyua.

Anyin ae hu gata je outhunyin ae se hia hnyi unyin a khaca, ke ca tha hanymen hia bi je ong outhunyin: helâe minya öta, at se hia, khaca thibi unyin unyi Keriso, ke je ong outhunyin öta ke at ka ke at.