Popular Bible Verses from Kolose 2

Deildu

Anyin a wale, he bala ju öbun unyin Keriso Iesu a Than, helâ me hnobun hna kap e, ke bi wân dut me up öbun goranyai unyin, ke ohmâ ju anyibun labaʼ geju, helâ me hna nʼ öbun, ke ti ole gan hmâ.

Wâ eâu, wâ e nye he ke at ka sei öbun hnen anyin bemetâ, me tang iyawo hnân omono, hoton hofuc vejec anyin at, me je hna ûne anyin hmeledrany a bân, ke ca hoton bi Keriso

Ke haba öbun waleji öbun e mok hnyi hwakecin ae kong, me ca peritomonâ je unyibun, e ame omeli öbun tha öbun më, ke e ame ohia anyita ta je hulo hia; ke e ame kot degecâ hna sihnalimen ta je hna hûna ae iwahnaihmiony mʼ öta, me ûcû öta, ke e ame hia but hom degecâ e ûnyi hnyi wanben, kʼ ame thu faoiny hnyi anyin satauro

kʼ ame laba eû hnyin at eling onyen Khong hia thithö hnyi unyin, kʼ adre me ounöngöti öbun ûnyi gan, kʼ ame ban at eling hon ta je musi me ta je man hia thithö

Anyin a wale, ca he ke at ka ûnykûmi öbun can ta je jeû, me hnân ic, me bonginy bijeû, me tehi ae teb ûnyi, me bong sabath: wale hmenon ta je ûnyi ame he ka o; ke haba onyen, me, wale Keriso.