Popular Bible Verses from Suku-saakị 32

Deildu

Anịtẹso owiḅọ ḅe nwẹnị ḅẹẹ, “Jekọbụ ḅarị jen-maaịn kẹ ị́ ẹrẹ sọ ḅịa, kụma Izirẹlị; gbala ị́ Tamụnọ na tomi na owu sọ tẹ ịn nẹngịma tẹ ẹrẹsị.”

Anịtẹso owiḅọ ḅe nwẹnị ḅẹẹ, “Ị̀ wẹrịso à so, gbala ene mẹ finjiarị.” Kụma Jekọbụ nwẹnị pakịrị, “Ị́ ì boma-a sime-ogbo, à ḍụkụ tẹ í so ḅịa.”

tẹ Jekọbụ ngẹrị ọḅụkọnm; tẹ gbọrụ owiḅọ nwẹnị ḅo ori na egelege sọ nwenii ene kẹlẹ kọnm ḅaa tẹ.

Mie ḅụ Jekọbụ ẹrẹ kẹ anị ye-yọ mẹ sịnm Pẹnụwẹlị tẹ ḅẹẹm, “À gbala tọrụkuḅu kẹ Tamụnọ ḅe na ẹrịya-ẹrịya tẹẹ, anịsọ à paa ḍumo sime tẹ kpaịn wararị.”

Owiḅọ ḅe ẹrịm mịnẹ ori inetẹ Jekọbụ gbin-a tẹso, ọ̀ nwẹnị ḅara kẹ Jekọbụ igo ḅụ pọị-so wararị anga mẹ lama, tẹ ori owiḅọ ḅe na egelege mẹ sọarị ogbo anị nwẹnị gbisini.

Tẹ ọ̀ nwẹnị Jekọbụ gbela, “Tiye ị́ ẹrẹ?” Jekọbụ nwẹnị pakịrị, “Ị̀ ẹrẹ Jekọbụ.”

Anịtẹso Jekọbụ nwẹnị ò ḅẹẹ, “Àrị ị́ tẹkẹm, ị́ ẹrẹ go ị̀ pịrịị.” Kụma ọ̀ nwẹnị gbela, “Í tiegotẹ ị̀ ẹrẹ kẹ ì gbelarị?” Tẹ anịjụ ḅụ ò Jekọbụ bomam.

Jike-a ḅẹlẹma mẹmgba na iḅi mẹmgba na tẹ ị́ nyana yẹrị ị́ fịrịmẹnjịḅọ pịrị ye mẹ ḅẹ ịrụ-tẹịn ye sọ à nyana gbẹẹ-a, kẹ gotẹ ọkọ ḅẹẹarị, ị̀ mkpara kịngẹ mie à kẹ mị Jodanị mẹ saḅa ye tẹ mịọkụ à ḅo maa kpoo mịẹ tẹ.

Anịẹrẹsị ọkị-ḅo mịmgba mẹ la sọ Izirẹlịapụ meni mẹ tẹ igo ḅụ pokolo wararị anga mẹ ḅụ simearị meni mẹ ịn pẹị-pẹị-a, gbala Jekọbụ igo ḅụ pọị-so wararị anga mẹ ḅẹ meni mẹ ḅụ mie ọ̀ ḅara kẹ Jekọbụ lama ye ẹrẹsị.

Anịtẹso Jekọbụ nwẹnị tẹkẹ tẹ ḅẹẹ, “Yei ị̀ ḍa Ebira-amụ na pịkị ì opu-ḍaḅọ Ayịzịkị na tẹkẹarị Tamụnọ! Yei, ị́yẹrị KỊNỊNYANAḄỌ ḅe tẹ ị̀ ḅẹẹm, ‘Pịkịma-so í opu sịẹ mẹ na, ị́ paka-furo mẹ na muu, anịsakị àrị iḅi kẹ ị́ mịẹ ḅa’ kẹ ị̀ ḅẹẹ ḅọ.

Àrị ị́ tẹkẹm, ì iyimbere Ịsọ ḅara ḅụ ị̀ ḍụa-ḅọrọmaa, gbala arị ò ḍiki-ḅalafarị ẹrẹsị, anieofori ò ḅofa ḅo wamịnị-mgba, iyingiapụ ma na, awọmẹ ma na kẹ sụa ḅaa fama.