Popular Bible Verses from Suku-saakị 21

Deildu

KỊNỊNYANAḄỌ ḅe ò ḍuko tẹ ḅara ḅụ mu toluma Sera ḍikim, tẹ KỊNỊNYANAḄỌ ḅe ò minini ḅara mịẹ Sera pịrịm.

Tamụnọ nwẹnị tụḅọ ḅe owu pọkọ naa, tẹ Tamụnọ enjẹlị nwẹnị So-ḅio Ega sịn tẹ á gbela, “Ega tiye gbolomaye ị́ ḅụụ-fụkamarị? Ḅalafa ma, kẹ gotẹ ọkọ ḅẹẹarị, Tamụnọ tụḅọ ḅe simearị anga mẹ ḅụ ọ̀ pọkọ naa tẹ. Saakịị, tụḅọ ḅe saakị dogi tẹ iḅiọkụ ị́ ḅara-ḅio ori ọlọ-sịẹmaa; kẹ gotẹ ọkọ ḅẹẹarị, arị ọ̀ kẹ gburo-gburotẹ opu sịẹ mịẹ ḅa.”

Tẹ Sera fura tẹ sakị mẹ tẹ Tamụnọ ḍuko ọ̀ pịrị sakị mẹ ḅụ gbọrụ owiḅọtụḅọ iyi Ebira-amụ pịrịm ori omongi sakị mẹ ḅụ.

Tẹ Sera nwẹnị ḅẹẹ, “Tamụnọ ị̀ ḅịḅị ḍẹrị pakama tẹ, ḅẹḅọ-ḅẹḅọ tẹ anị naa ḅọ, naa ḅọ ị̀ na sọ ḍẹrị ḅa.”

Kụma Tamụnọ Ebira-amụ ḅẹẹm, Kalatụḅọ ḅe na, í omoni-ẹrẹḅọ ma na gbolomaye gotẹ anị ị́ ḅụụ-ḅẹsọ ma; Sera kẹ ị́ ḅẹẹ ye, ḅẹẹ ye, arị ị́ ḅẹẹ ḅara, ḅẹẹ ḅara mịẹ, kẹ gotẹ ọkọ ḅẹẹarị, Ayịzịkị ḅụụ ḅụ mie í furo-ḅẹ-apụ ḅọrọ tẹ ẹrẹ fị ḅarị ye.

Anịsakị omoni-ẹrẹḅọ ma owiḅọtụḅọ ḅe ḅụụ sọ à gbọrụ opu sịẹ pakama ḅa, gbala ori anie ị́ ḅụụ ḅụ, paka-ḅo ḅọ ẹrẹsị.”