Popular Bible Verses from Oyinyima 39

Deildu

Ẹnẹyịmavara ộ jẹẹ ịrẹma Ijosẹẹhụ, dị ọ mẹ ka ò zee yọ nị, agụvị avọọ dị ọga anị sị ọ ka ọ va yà ini eehi Anijipiti ana vị ọga anị nị.

Di Ipotihwa kụkụ hụrẹ avaba ogu anị ụvọ yị. Ijosẹẹhụ ka ò sị eyi pè e nị. Ọ yị kụkụ hụrẹ ayị ịnẹ ogu anị ọnyọọnyị à yị vị ịsọyịrị anị kẹnẹ. Ijosẹẹhụ ô zoza ẹtẹẹtẹrẹ. Ọza òo re e, vị aa va a nị.

Di ọga aza ene sị eyi pè anịnẹngwa sị Ijosẹẹhụ mẹ ọga avaba anịnẹngwa ana vọ nị. Ịsa tụra ịsa ana àa kụkụ mẹ ịzọọ, Ijosẹẹhụ éē nee họ̀ use nị.

Dị ọ ka à za Ijosẹẹhụ dị à sị ọ na tụ́ ịnị ẹngwa nị. Ịzị aā kụ́ anịnẹngwa ohinọyịị hi a sị Ijosẹẹhụ na tụ́ dị ọ yà ịnị ẹngwa ịzọọ nị. Ama Ẹnẹyịmavara vị ana jẹ ịrẹma Ijosẹẹhụ. Ô yi hi ayị Ijosẹẹhụ, dị ọ mẹ ka ọga aza ene sị eyi pè anịnẹngwa è sì ịrẹyị Ijosẹẹhụ nị.

Ụmẹ ọnya eyi ose ọga Ijosẹẹhụ ọ yị kụkụ hụụnị ẹngụ Ijosẹẹhụ. Ẹkụhị ọnya ọ ka ọ vẹ dị ọnịrị ọ ọ̀ọ sụ. Ama Ijosẹẹhụ ô yi. Dị ọ kà a yị ose ọga anị dị ọ ka: Ộ yẹ ka ọnị ọga anị sị avaba irehi anị chire ụvọ nị. Ọ kà ẹ yị kụkụ nyị ịsị ọga anị aa si ayị nọ ịnị anị ini eehi ọnọnị. Ọ kà ọ raà sị avaba ogu anị chire ọnị ụvọ. Ọ rẹ ka ẹ yị kụkụ nyị ọza ana nyị ọda hu ọnị ini eehi ọnọnị. Ọ kà ẹ yị rẹ nyị ịsị ọga anị ọ̀ yị sị yị ọnị, à yị hụhụ vị ọnị ịnya kẹnẹ agụvị ka ọnị ọ vị ose anị. Ọ kà o mè ro ka ọnị ọ zụ mẹ̀ ẹngụ ebira odivi ọnọnị, ebira odivi ọbanyị ọ vị ágada Ohomorihi nị.

Ẹkụhị ọnya di Ijosẹẹhụ ngụ ini eehi ka ọnị ọ̀ na mẹ̀ ụkọrọ anị nị. Ịhị ọnọọ ezi ahụ ana vọ ẹ sị hụụnị eehi. Di ose ọga anị ọnọọ vana sị ụvọ ngụ ọ achị dị ọ rẹ ka, “Ọnị ee si ka ọnịrị ọ ọ̀ sụ.” Di Ijosẹẹhụ hụrẹ achị anị ụvọ yọ, di o zwe jịnẹ hụụnị eehi nị.