Popular Bible Verses from Oyinyima 32

Deildu

Dị ọza ọnọọ ka, “Vị Ijekọvụ a kụkụ vaa hị́ ọ, ọnị ọ ka ọnị ọ kụkụ rị Isirẹrị nị, agụvị ka o re è pè Ohomorihi ọnịrị aza vụ̀ ịrẹvụ, ọ sị wa hu.”

Di ọza ọnọọ ka, “Ọ̀ jẹẹ ọnị ọ̀ na ka eyi aa vaa nị̄.” Di Ijekọvụ ka, “Ọ̀ yị mẹ̀ aduwaa yị ọnị, ọnị ẹ yị zẹẹ ka ọ̀ na.”

Ọ kụkụ sị vọ Ijekọvụ ọnịnya tụ́ ịzọọ. Dị ọza ọnya vẹ dị o vee pè Ijekọvụ vụ̀ ịrẹvụ, dị ẹ vụ̀ ọ pooro dị eyi aa vaa nị.

Di Ijekọvụ kụkụ aa hị́ ịzọọ Ipeniyeri nị. Ọ kà, “Ọnị ô re Ohomorihi eyi gẹrị eyi, ama ọnị o rè vee sú.”

Ịjị ọza ọnọọ re ka ọnị o yi zụ hu Ijekọvụ ẹtẹ, dị ọ nya a ịsa ini okokozi nị. Usi Ijekọvụ o si kene, o meè pe e vụ̀ ịrẹvụ.

Dị ọza ọnọọ họ̀ ọ dị ọ ka, “Ị́rẹha anị rị?” Dị ọ ka Ijekọvụ ọnị rị nị.

Di Ijekọvụ ka, “Aarịhịnị, hị́ ịrẹha anị zụ̀ ọnị de.” Dị ọza ọnọọ ka, “Sị ẹ vẹ dị ee họ̀ use ịrẹha anị.” Dị ọ kụ́ ọ adịjọọ ịzọọ nị.

Dị ọ rẹ ka avaba ịrẹyị anị oni ọ maanị sì, dị ọ̀ yị mẹ̀ ọnị apẹ aanị, ẹ yị vị ka ọnị vavọọ yà nị. Ọ kà Okutẹ anị kẹnẹ ọnịrị jịnẹ Okuha Ịjọdanị ọnọnị nị. Dị ọ ka ọnị ọnọọ ọrụrụ pooro di ọnị sị vara udi ẹẹva aanị nị.

Hụrị ụmẹ avọọ ve tù ajịnị Anisirẹrị ẹ mā rị ọzị ene kú ẹchụkụ ini okokozi ana yà ịrẹsụ ẹchụkụ usi. Iruvo ọ vị ka ịzọọ ọza ọnọọ nya Ijekọvụ ịsa nị.

Di Ijekọvụ aa mẹ̀ aduwa dị ọ ka, “Kwogwo, Ohomorihi ana Abụrahamị ada anị ọnịrị Ayiziiki ada anị hẹkẹ, ọ ka kwogwo, Ẹnẹyịmavara ọ kà a yị ọnị ka ọnị ọ̀ varẹma nọ eehi anị ọnịrị ịda anda anị. Ọ kà ọ rẹ kà a ka ọnị vaa mẹ̀ ọnị ọyịza.

Dị ọ ka aarịhịnị kwogwo, ọ̀ dọ ọnị hụụnị ụvọ Iisọ ẹnẹbẹnị anị. Ọ kà angwa anị vi ene ee hí ọnị. Ọ nyayịnẹ va wụ ẹnị và ha. Ọ kà ọ zụ wụ ọnyị ezi ẹnẹnị beri ezi ẹnịnị.