Popular Bible Verses from Oyinyima 15

Deildu

Abụramị ọ sị ayị anị tụra Ẹnẹyịmavara vavọọ vaa mẹ̀ ẹ nị. Di Ẹnẹyịmavara kà Abụramị mẹ̀ vavọọ dọ aanị, ọnịzẹyịza ọ vị nị.

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

Di Ohomorihi sị Abụramị jịnẹ nọ ẹhẹ dị ọ kà a yọ ka: Ò Re ẹbẹẹba di a re, ọ̀ọ zụ za ụzọmị ẹnẹẹ ịrịka ọ za a. Dị ọ rẹ kà a yọ ka avọọ ezi anị ịrẹma-ịrẹma mẹ̀ vaa rụrụ nị.

Di Ẹnẹyịmavara va kà a yị Abụramị dị ọ ka, “Ọnọrụ ọnọọ ọ yị vaa kụ́ ogu awụ; ozi ewu obooro ọ vaa kụ́ ogu awụ nị.”

Dị Ẹnẹyịmavara va kà a yị Abụramị dị ọ ka: Ọnị ee sì ka ọ yẹ kaakara ka ezi anị ịrẹma-ịrẹma va naa vị ọzọga ịnị ẹtẹ ẹnẹ ẹ̀ yị vị ẹtẹ ẹnịnị. Ẹ vaa vị ọrịhịị tụ́ ịzọọ dị aa mẹ ẹvayaa yị wa pooro dị ọ mẹ ịrayị akava.

Dị Abụramị ka Ẹnẹyịmavara Ohomorihi sị ọnị vị ana aa kụ́ ogu ẹnẹẹ mẹ? Ọ kà ô re ka ọnị ọ yị ma ozi. Eriyaza Anịdamasịkọsị ọnọnị ọ vaa kụ́ ogu anị aanị nị.

Ịhị ọnọọ Ẹnẹyịmavara ô pè Abụramị kà ịrẹyị tịtẹ dị ọ kà a yọ ka: Ezi anị ịrẹma-ịrẹma ọnị sị ẹtẹ ọnọnịị yị nị. Ẹnị ẹ nyị hụrẹ ụtọ okuha ana ya ẹhwị Ijipiti na ngụ irehu Iyuhwuretisi nị, ẹnị ẹ nyị nị.

Ọ rẹ ka ẹ vaa mẹ ẹhụụ ịrayị akava avọọ dị ẹ vavẹ ịzẹnị, agụvị ka Anamọrị nịnị ệ yị za ebira odivi ẹnịnị ịrẹsụ ne tụ̀ ụmẹ avọọ.