Popular Bible Verses from GAMLAH VANA 13

Deildu

Ahi vangin Caleb in Moses mai-ah a mite sipsahin amate kungah, “Thakhatin pei-in a gam uh va la ta vai, azieh pen khum gam i zo thei ding uhi,” a ci hi.

Khum munah Nephilim-te (Nephilim panin Anak-te pieng hi) ka mu uhi; amate lahah ko le ko ka ki-et ciengun khuombai cie behin ka kimu vua, amau’ ei muna-ah zong tua bangma ka hi lel uhi,” a ci uhi.

Tua ciengin ama tawh a peito mite in, “Tua mite do dinga kuonto zo ding i hi malmal sih uhi. Bang zieh ahei cile amate pen eite sanga a hatzaw mawngmawng uh ahi bo hi,” a ci uhi.

Tuaci’n amate in a sielamin Israel-te tungah a gam vanna uh thu a puoh vua, “A van dinga ka va peina uh leitang in a sunga tengte a valtum hi. Khum gam sunga mi ka mu vannuoi uh gol thei mama uhi.

Amate in Moses kungah, “Nei sawlna leitang ka va pha ta uhi; tua gamah bawngnawi le khuoizu luong a, tam khu a gate ahi hi.

Hizongle tua gama tengte a thahat vua, a khuopite uh kul tawh a ki-im a, zong gol thei mama hi; tam teng banah khum munah Anak’ suonlehlahte ka mu uhi.

Negeb gamah Amalek-te a teng uhi; muoltung gamah Hit-te, Jebus-te, le Amor-te teng uhi; tuipi gei le Jordan gun dungah Canaan-te a teng uhi,” ci-in a gen uhi.

Paran gamlah Kadesh mun Moses le Aaron le Israel mihonte kungah amate a tung uhi; tuale mihon zosie’ tung le amate tungah thu a puoh vua, tua leitanga gate amate a lah uhi.