Popular Bible Verses from PIENCILNA 6

Deildu

Mihing a siemkhah pen TOPA a kisia a, tua thu in a lungsim a dasah hi.

Leitungah mihing gitlona lien mama a, tuaci’n TOPA in mihing lungsim ngaisutna poma a sie ngentang ahina thu a mu hi.

Ahi vangin Noah in TOPA’ maipha a mu hi.

Tam teng pen Noah’ suonlehlahte ahi hi. Noah a thuman mi khat ahi a, a khan sungin paubaang lo hi; Pasien tawh Noah a zawhton hi.

Tuaci’n TOPA in, “Ka siemsa mihing, ganhing, a bawhva ganhingte le vana leng vate tawh ka sumaimang ding hi. Azieh pen amate ka siemkhah ka kisia hi,” a ci hi.

Leisiet maitangah mite pun a kipat ciengun amate in tanute a nei vua, Pasien’ tapate in amate hoi a sa uhi. Tuale amate in a dei zosie uh telin zi-in a la uhi. Tua ciengin TOPA in, “Mihingte sungah ka hlagau a teng den sih ding hi, azieh pen amate cilesa ahi uhi; amau’ khan kum pen kum za le sawmni hi ding hi,” a ci hi. Khum hun lai-in leitungah Nephilim a kici mite om a, tuale khum zaw ciengin zong Pasien’ tapate in mihing’ tanute a luppi ciengun ta a nei uhi. Tamte pen khanglui lai-a mi thahat mi minthangte ahi uhi.

Noah in tuate a bawl hi; Pasien in ama tunga a thupieh zosie ama in a bawl hi.

Pasien in Noah kungah, “Mi zosie suhmaimang dingin ka khentat zo hi, azieh pen amate ziehin tatsietna tawh leitung a kidim hi; tu-in leitung tawh amate ka susie ton ding hi.

Nang mama in taasing tawh tembaw khat bawl in; tua tembaw sungah khan a dan danin omsah inlen, a sung le a pu singnai tawh hubih in.

Tuale Pasien in leitung pen a kisie-in a mu hi; bangzieh ahei cile leitungah mi zosie a siehuoi-in a gamta uhi.

Tuale hinna nei zosie, mi zosie lah panin nangma tawh a hington dingin nam khatah ni ciet tembaw sungah na peipi ding hi; tuate anu le apa hi ding hi.