Popular Bible Verses from PEIKHIETNA 20

Deildu

Kei pen saltanna gam Egypt pana ang peipi TOPA na Pasien uh ka hi hi; keima mai-ah pasien dangte na nei sih ding uhi.

Noma adingin tung lama vantung hile, nei-a leitung hile, leisiet nei-a om tuisung hile a om na khat popo tawh a kisun milim na bawl sih ding uhi. Tuate mai-ah na kun sih ding vua, tuate na bie sih ding uhi; bang ding ahei cile kei pen note’ TOPA Pasien, a thangsie Pasien ka hi a, kei ei nuolte tungah a pate uh’ khielna, a khang thumna le a khang lina dongin, a tate uh tungah dan a pie Pasien ka hi hi

TOPA na Pasien un na tung vua ang pieh leitangah na hin sawt thei nadingun na nu le na pa zatah un.

Sabbath ni phawh unlen a siengtho-in tang un.

TOPA na Pasien uh’ min a sie lamin na zang sih ding uhi, azieh pen ama’ min a zang khiel poma TOPA in maw pengsah lo ding hi.

Ni guh sungin na nasep ding zosie uh na sem ding uhi. Ahi vangin a ni sagi ni pen TOPA na Pasien uh’ sabbath ni ahi hi. Nang, na tapa, na tanu, na sila pa, na sila nu, na ganhingte ahi sihle na khuo sung vua pemtate in bangma na na sem sih ding uhi.

Na vengte’ inn na deigaw sih ding uhi; na vengte’ zi hile, a sila pasal hile, a sila numei hile, a bawngtang hile, a laa hile, na vengte’ na khat popo na deigaw sih ding uhi.

Na vengte lang khatah a manlo teci na pang sih ding uhi.

Ang na kawm sih ding uhi.

Mi na that sih ding uhi.

Na na gu sih ding uhi.