Popular Bible Verses from Mataos 7

Deildu

«Jaʼa ga, bɨn nkʉʼ bi. Saŋa ga, bɨn nkʉʼ bee. Kwaʼla ga ebe, lé nkʉʼ dibɔ bɨn

ebe, mʉr nyiwɛh lé ejaʼ ɛ, nye óbi. Mʉr lé esaa ɛ, nye óbee. Ebe, lé ódibɔ é l'efu e mʉr lé ekwaʼle e.

«Mbi mʉr lé ejoʼo mokan mam ma, ntɔʼ du me e, nye enwɨɨla ó e mʉr a fumo mbɛr é mbi wiʼ ɨ: Nye a cyel bɨpab bɨ tɨʼ ó, é gumo nye a bee bah ekoʼ e.

Ebe no, syɛɛla bɨn lé egwɨm ó, bʉr saʼ bɨn ɨ, dɨʼe sa ga nteme be ya. Yé ó sa Zyɛm lé elɛɛ é l'okalara o motie Moyiz a tile e, e sikʉlʉ ogwiha o mɨlɔb bé a dwe e.»

Yé é kɔbla ó, mʉr cwɨŋɨ é zi lé eto pyal é tiʼ njʉmdia ɛ! Ebe nye lé ecwɨɨ tɨʼ ɨ, lé é ban. Bʉr o lé ecwɨɨ tɨʼ ɨ, bé abuo.»

«Niʼe ga é l'ebe ndɨ é ban ɨ, ebe, zi ndɨ é bwaʼ ndwe e l'akɔbla ɛ, nye ó ndɨ eto nko paʼ efie. No ó, bʉr o ndɨ ecwɨɨ tɨʼ ɨ, bé é buo.

Ebe no, bɨn pa taare be bɨbɨbla bɨ bʉr mpʉ bɨn ndɨ nɨ, bɨn yɛɛ bé edwe bwan bɨn mɨmpaŋ bɨsɔʼɔ, a dwɛʼra e Sɔŋ win ndɨ é jobo kʉ ɨ! Nye ódwe bʉr bya, baa ndɨ ejaʼ ɛ, laa naa.

«Adwe ga bʉr mobe, bɨn nkʉʼ be l'adweŋɔ mobe. É mbi bɨn lé edwe bʉr mobe e, é mbi waa nteme ó Zyɛm ódwe bɨn ma ɛ. Bim bɨn lé ekaale bʉʉ bʉr ɨ, bim yaa nteme ó nye ókaale bɨn ɨ.

To kœb ó, mʉr lé ejoʼo mokan mam, adu mpʉ mé lé elɛɛ ɛ, nye enwɨɨla ó e gʉ yé a fumo mbɛr, cyel we njɨ é l'epumo e mosɨa ɛ.

Ebe yé go lé ebee mpum ndɨ mɨɔ go é dih ɨ, gwɔɔ yɛɛ apa jʉʼra pehe go lé enkɛɛ é dih lo e? Wáa mbi go ndɨ e nkul elɛɛ e mɨɔ go ó: “Paʼ cyɛb, me pɛʼɛ go mpum ndɨ go é dih ɨ,” gwɔɔ yɛɛ apa pɛʼ pehe ndɨ é laa lo dih ɨ?

«Diʼe ga ncye e mɨmpʉmpʉl mɨ ogwiha o mɨlɔb, ebe, bé eze-ze é l'esama lɨn ó e njwɨr é tala tala, nwɨɨla e bɨntœme. To kœb ó, é mɨleme myɔɔ tʉŋlʉ, myé ó mpʉ onkœœ! Bɨn bé ódweʼe be ó é bɨsyɛɛla byɔɔ. Bé abe lé emwaʼ mpumo sɔɔ é l'esyɛh, nkʉ mpumo ofig é ntʉmsakpɛl.

Mpaŋ lɨ, yé gumo ó mɨmpaŋ mɨ mpumo. Syoblʉ lɨ, yé gumo ó mpumo ndɨ é bebe e.

Mpaŋ lɨ, yé águmo bɨbla mpumo. Bɨbla lɨ, yé águmo mɨmpaŋ mɨ mpumo.

Lɨ yiyɛh ndɨ agumo mɨmpaŋ mɨ mpumo e, yé etwɛ̀lɔ, guhɔ é l'ebeʼe e siʼe.