Popular Bible Verses from Matio 16

Deildu

Minawatc Cecoc itew owitcewakana: “Kecpin awik wi pe nosanehwite, kata ponitaw wir tepirak e mamitonerimitisotc. Kata miwirew otcipaiatikoma kitci pe nosanehwitc.

Nin tca ki witamatin: kir Pien mia asini kit iteritakosin. Ekota neta asinik ke ici mawotcihakik kaskina ka nosanehwitcik. Nama kata ki cakotcihakaniwiwok, nama wawatc nipowiniw kata cakotcihikowok.

Ki ka miritin cehikana nete otci Kice Manito Okimawinik. Anihe tca ke acotinamasoan ota askik, kata acotinamasonaniwon kaie nete wakwek. Anihe kaie ke ici naheritaman kitci totcikatek ota askik, peikon kaie wakwek kata ici naheritcikatew.”

Anahwe tepirak ka iteritak kitci kanaweritak ota askik opimatisiwin, kata onitaw. Aric anahwe ke pakiteritak opimatisiwin nin otci, kata mirakaniwiw kitci kiwe pimatisitc.”

“Ceckwat awik kata wi tatamopan kaskina kekociciriw ota askik, kecpin wir tipirawe onicimitisote. Kecpin awik onitate opimatisiwin, takoniw ia kekociciriw ke ki meckotinamaketc, kitci ki pe kiwe mirakaniwitc aniheriw opimatisiwin? Nama!

Itikowok Cecoca: “Aric kirawaw, awin ka iterimiekw?” Simo Pien itew: “Kir anihi ka ki itespan Kice Manito kitci pe iciticohwatc ota askik kitci akwacimiweritci, kir Kice Manito ka pimatisitc Okosa.”

Aci itiko Cecoca: “Ki caweritakosin, Simo, Jean okosa. Namaiew meka iriniw ka ki witamask aniheriw tapwewiniw, aric Notawi, wakwek ka taciketc.