Popular Bible Verses from Бийлер 6

Deildu

Жараткан Эгенин периштеси ага көрүнүп: – Жараткан Эге сени колдосун, баатыр! – деди.

Жараткан Эге Гидонго карап: – Ушул кайратың менен жөнө да, элиңди мидияндардын колунан куткар! Сени Мен жиберип жатам, – деп айтты.

Жараткан Эге ага: – Сени Өзүм колдойм, сен мидияндардын баарын бир кишини жеңгендей жеңесиң, – деди.

– Ээ, мырзам! Жараткан Эге бизди колдоп жаткан болсо, анда эмне үчүн ушул балээлердин баары башыбызга түштү? Ата-бабаларыбыз: «Жараткан Эге бизди Мисирден алып чыккан» деп айтып келишкен. Анын ошол кереметтери кана? Ал азыр бизди таштап, мидияндардын колуна салып берди го! – деди Гидон.

Бирок Гидон: – Мырзам! Мен Ысрайылды кантип куткарам? – деп жооп берди. – Менин уругум менаше уруусунун эң алсызы болсо, өзүм да үйдүн эң кичүүсүмүн!

Ошол күндөрү Жараткан Эгенин периштеси Опра шаарында жашоочу Абиезер уругунан болгон Жааштын менчик жериндеги эмендин түбүнө келип отурду. Так ошол убакта Жааштын уулу Гидон мидияндар көрбөсүн деп жүзүм сыкчу чуңкурга түшүп алып, буудай жанчып жаткан.

Ошол жерде Гидон Жараткан Эгеге арнап курмандык жай тургузуп, аны Жараткан Эге-Шалом деп атады. Ал курмандык жай Абиезер насилине тийиштүү Опра деген жерде ушул күнгө чейин турат.

– Эгерде Сен мага ырайым кылып жаткан болсоң, Сен мени менен сүйлөшүп жаткандыгың чын болсо, ошону ырастаган жышаан көрсөт.

– Үрөйүң учпасын! Коркпо, сен өлбөйсүң! – деди Жараткан Эге.

Ысрайылдар Жараткан Эгеге жакпаган жийиркеничтүү иштерди кайрадан кыла башташты. Ошондо Жараткан Эге аларды жети жылга мидияндардын колуна салып берди.