Popular Bible Verses from Mạk 13

Deildu

Kōoy kōoy tạlogh ni enyina ḍien mebum ạmi, keḍio kōoy kōoy olo ạkparam asi tikunughi obho tọpel ni.”

Ịmaar ẹmara megon eḅōrō, ebum obho enyina ilōghōm io mamen obho.

Keḍio, tamen olo eedi iḅol enyina ibhin ịghi tarutu ạraakpe bho, ịítua ghạ mepughuḍi tẹmu enyina milo enyina tekōl ẹgba. Tamen opopo, ịkpete kilo ụnogho enyina mọkpete. Ibha enyina tẹkpete tamen opopo bho, ọnuekpete enyina ḍio, Ẹmugh Iigbia bho tatōmōghiōm enyina.

Ạnyu obho nꞌade bho tepẹ ni ẹman keḍio ọnuekpete bhꞌạmi obhẹ ḍio.”

“Oomo ipa ẹkona, bọbon ōoy olo alōghōm ḍuma bho bolobolo amen obho olo. Itelema bho tẸnaan ibha idi tạnyu obho nꞌỌony obho olo alōghōm olo, Ọde bho be alōghōm.

Ịíḅaghami ghạ nạ lōor enyina kamen kamen olo enyina nẹmoghon moghur ạraagham tetuan, nꞌọdu ạraagham tegbeeny. Ọkpo ilo idi kua temuteghu ni keḍio iibha bho ịgba ḍio mobho nạateeny mikunughi aghuḍum obho.

Tebum iibha bẹleni, ịmaar ẹmara meḅōrō, ebum obho enyina ilōghōm io mamen ọde otu obho tatughẹel obho. Odi tatue ni atu mudule, bolobolo ogbo eeleeny, bolobolo obꞌẹtughuḅaal, bolobolo ụḍirogh. Odi aru tekperenom, odi ọmiin io ạna mobho ạna odi tạrala! Iibha bho ạami nạkpete ạnogho enyina bho, ạami ụkpete nạnogho kōoy kōoy: ịmara meḅōrō.”

Aruubhugh obho, onyiin taḅetunu ni aḅe monyiin, ạruula ạraama bho onyiin taḅetunu ni ạmaranuan monyiin. Ade bho taḅomian ni kesi kesi. Oḅẹer ẹkona tasōor nạ ni. Ọkpo bhibha tẹtol kịḅel ẹegama igun eghun ạni-ebhōbh.

Tọgba ni mooḅi adōm obho ọnogho rōoy oomo aruubhugh obho.

Ọlogh arōoy tetu ni taḍien ạmi ekōl kua, ‘Ạami podi,’ moobiōghōm ọlogh arōoy.

“Enyina ẹkona igona nạ lōor enyina. Toḅologh ni enyina opin ọki totu ạraakpe. Toḍulogh ni enyina nạ mi tarutu iikpulughu obho. Tọmarami ni zenyina tasumusigh arukenya nꞌạruula ẹma mebum aḍien ạmi, molo enyina ẹgba ẹnogho zeedi mooḅi adōm obho.

Iben araKraist nꞌiben arizil temuteghu ni. Eedi teḍighiiy ni mọkpo ibꞌaruugu nꞌọkpo ịiḍaany moobiōghōm obo bho Ẹnaan naabheleghi ạson ạseghe bho, eru kạar olo eedi tetue ni.

“Taruḍuma ilo aruḍuma ọmiinom obho neetẹn paghōzōgh obho oḅil, ụvanyu obho ọmu mu, ịinaany obho ọgharaghu tade bho, ịnyaam ọkpo bho idi teḅōghōghaan obho ọḍuaghu tariisi obho eedi idiighu obho.