Vinsæl biblíuvers úr Matthieu 19

Deildu

Ní Yeesu kpēē-bi dímmm ní ki bí yii: «An pɔ̄ɔǹ unil, ama Unimbɔti ceeyee tikɔkɔ sá sɔkɔmii ní.»

Mimmee, baa ti sá bili, bi ŋá unibaanti dee. Míǹ puee, unil ń taa yàkatī tin Unimbɔti dūu kpáfèe.»

Ní Yeesu kíí-bi yii: «Naa kàan̄ Unimbɔti gbɔŋku ki ká an nín lī puee níii? Yii ŋkilkaaminee, Unimbɔti unáanli náań uninja nì unimpu ní, ní ki bí yii: <An sá uninja ń nyā u-baa nì u-na cee ní u nì u-nimpuu ń nīn bí ní bi-liitil ń kpántí unibaanti.>

Ní Yeesu bí-bi yii: «Càntīmaan mbiyaamu nee! Yàntīmaan mú dāan̄ m-cee kí taa pìin̄-mu nsan, kun puee Unimbɔti Beel sá ki tīī bin náań nì muee ní.»

Ama bisanlintiliibi tikpil dāa kpántí biboompaanliibi, ní biboompaanliibi mun tikpil ń kpántí bisanlintiliibi.»

Ní un kamaa yaa yíkì ki fá u-diiŋŋi nì u-nabiyaamu, nì u-niisalib, nì u-baa, nì u-na, nì u-biyaamu, nì u-kpaatanti man puee, Unimbɔti làá tin pà udaan míǹ dilaataal pu, ní ú gíti fōō dimaŋfal din kaa cáá dikúntilee.

Ní Yeesu kíí-u yii: «A yaa là kí ŋá min sá páaayee, cù kí dū tin kɔkɔ a cááyee kí nyāfì kí dū animbil kí yàkatī bifalaadambi, ní kí tin ká tigaajati Unimbɔti cee. A yaa ŋá míǹ ki dóòyee ní á dāá nīn nóó-mi.»

Ní Yeesu kíí-u yii: «Ba pu ní a bàlifī-mi timɔntiil pu? Unimbɔti baba di sá umɔnti. A yaa là kí kɔ́ dimaŋfal din kaa cáá dikúntilee nee, á nīn tɔ́ marab.» Ní u fātìi bālifì Yeesu yii: «Marab bilab?»

M gíti tùkù-ni yii, an pɔ̀fì ki tīī ugutaamu ń jītí ujoo buŋŋun ki jítiǹ ugaaja ń kɔ́ Unimbɔti beelin.»

M tùkù-ni yii, sii un cáá unimpu ní an kaa sá ticati tin kòóyee, ní a jìn̄-u ki fātìi cáá ubɔee, a ŋá tilaakpaal Unimbɔti nimbiin.»

Niinee ní Yeesu bí u-boonnooliibi yii: «Ibaamɔn ní m tùkù-ni, an dāa pɔ̄ɔ̄ ki tīī ugaaja ń kɔ́ Unimbɔti Beelin.