Vinsæl biblíuvers úr Genèse 22

Deildu

Ní ki pú mpaan gbanti diyindi yii: «Ti-Dindaan di tìì.» An pu ní díǹ pu nee, bi lì yii: «Ti-Dindaan jool yilpu ní u tìì-ti kun lóò-tee.»

Ní Unimbɔti bí-u yii: «Yòon̄ a-jipɔmbaabil Isaaki un a néeńee kí nīn cá Mooriya tiŋkin. A yaa bàn̄ niinee, á dū-u kí ŋá saraawɔkaa. M làá dàkà-si dijool din pu a làá ŋá-mi saraa gbantee.»

Ní ntuunee bí-u yii: «Á taa dū kijiki kí gbēē kibikee ní kaa nín ŋá-kì tiba. Di sá yii kɔŋkɔnnee m béè yii a fàŋkí Unimbɔti, kaa yíì kí dū a-jipɔmbaabil kí ŋá saraawɔkaa kí tīī-u.»

Ní u-baa kíí-u yii: «M-biki, Unimbɔti u-ba di làá tin tīī-ti dipibil din ti làá dūú ŋá saraawɔkaayee.» Ní bi nín nìkì bi-saŋŋu.

m làá bìin̄ a-boon tikpil. M làá bùtī a-maaliŋu ŋú nīn wīikí kii iŋmalbijaa nín kpátì kutaa pu puee, kí nīn wīikí kii tiŋku gbandi bulee. A-naantiibi di làá nīn pée pɔ̄ɔǹ bi-nannanliibi. A-maaliŋu pu ní m làá dāá dī kí bìin̄ kitiŋ pu timbuŋŋi kɔkɔ nib boon, kun puee a pílifì m-nyɔkɔ.>»

Míǹ boonee, Unimbɔti cɔ́ŋkì Abraam. U nìn yíiń-u yii: «Abraam!» Ní Abraam kíí yii: «M sèé!»

Kpalaayee ní ti-Dindaan tuuŋŋu téenní yilpu ní ki bí yii: «Abraam! Abraam!» Ní u kíí yii: «M sèé».

Ní ti-Dindaan tuuŋŋu tí yíinní Abraam yilpu nliliitiim ki bí yii: «Ti-Dindaan nín lī pu ki síiǹee sèé: <Kii a nín kaa yíì ki bàà làá dū a-jipɔmbaabil kí ŋá saraa kii m nín bí yii á ŋá puee, m pūtì nì m-ba yii

Bi bàn̄ laakin Unimbɔti dàkā-bi bí cùee, ní Abraam máń niin nsaraafan, ki kɔ́fì idɔ ki páaǹ ní ki bóob́ u-jipɔɔn Isaaki ki páaǹ idɔee pu.