Popular Bible Verses from Mahendo 5

Deildu

Pet̯ero na hawa ntumi wangine wambukuya wamba, “Ni had̯i humut̯ii Muungu, ela si wanaad̯amu.

Na kula nsiku, wekyenda madzumbani mwa wantu na Hekaluni, kuyongweeza na kusumwiiya *Maagu Mema dzuu ya Yesu kwamba ndiye *Masiya.

Pet̯ero kamuuza kamwamba, “Anania, kut̯i kumuyatsa Shaat̯ani auheke mojowo na akuhendeze umukulekule Ruhu Mudheru kwa kudziwekea sehemu ya hizi fwedha upatiyezo wipfoiguza hi nkondeyo? E nkonde usidzaiguza, ntaiwa yako? Na hat̯a wipfoiguza, hizi fwedha undezihendea viḍevyonse utsakiyevyo. Kut̯i d̯ubva, kuhuna mojoni mwako kuhenda dzambo dza hiḍi? Nkukukulakula mwanaad̯amu, ela kumukulakula Muungu!” Anania epfosikia haya t̯u, kagwa kafwa. Makisa kudza worani waulinga-linga hu mwiiwe, wanuka nao wenda wauzika. Wantu wonse wasikiiyeo hiḍi dzambo wanjijwa ni oga muno.

D̯ubva, dzuu ya hiḍi dzambo ḍya hi saasambi, namutsewahenda kiḍechonse hawa wantu. Wayatseni na shuuli zao. Koro ikiwa kwamba haya ni mat̯aro na kazi ya mwanaad̯amu inakwaara yenye. Ela ikiwa kwamba ni kazi ya Muungu, ntamut̯oweza kuinanga. Mudzarorot̯a kwamba mwakujwanani na Muungu!” Hi gasa ihwaa haya maghaghisa ya Gamalieli.