Popular Bible Verses from MATHAYO 7

Deildu

Yiesû auga, “Rombaani bûkeewa. Cûani bûkoona. Ringaringaani bûkaarugûrîrwa.

Ûra arombaga neeyagwa, ûra acûaga noonaga, na ûra aringaringaga mûrango narugûragîrwa.

Yiesû auga, “Kwoogu ûra wonthe eegagua ntheto ciakwa akairûtha, akari ta muntû ûmûûme ûra aakire nyomba yake rwaraani rwa iiga.

Kwoogu rûthagîraani bara bangî mantû monthe ta bûra wana biû bwenda babûrûthîra, n'ûntû i bu kwandîkîîtwe *wathooni bwa Musa na mabukuuni ma iroria.”

Îndî mwîrîga na njîra îra îthiîte mwoyooni n'înjincianu na ibaakai bamiiyî.”

Yiesû auga, “Thûngîraani na mwîrîga ûra mûcege. Mwîrîga ûra ûthiîte wînyangiani n'ûmwariî na njîra n'îmbariî, na n'yo baingî bathiîte n'yo.

Ûkeegua biû ibwiyî kwa aana beenu biewa bithongi na bûrî antû baathûûku rî, n'ata îîndî Abaagu ûra arî îgûrû akaarega kûbwaa biewa bithongi mûno, bara bûmûrombaga!

Yiesû aathi na mbere na kûrutana auga, “Bûtikaagiitîre bara bangî îgamba bûûya kûgambithua, n'ûntû bûra bûgiitagîra bara bangî îgamba i ta bu bûkaagiitîrwa. Kîthimi kîra ûkaathimîra na kîo bara bangî wana woû i kîo ûkaathimîrwa na kîo.

Na ûra eegagua ntheto ciakwa na atacirûthe, akari ta kîaa kîra gîakire nyomba ya kîo mûthangaani.

N'ata ûkwona gakaracû karî riitho rîa mûcoore waku, îndî ûtikwona mûgogo ûra ûrî riitho rîaku? N'ata ûûmba kwîra mûcoore waku, ‘Ga nkûrute gakaracû riitho’ na mûgogo ûrî rîîtho rîaku?

Yiesû auga, “Îmenyeereeni kîrî iroria bia ûrongo bira biiyaga bikari ta ng'ondu bikîoneka, îndî ndeni bikari ta ncûgi. Bûkabimenya na ngûgî ira birutaga. Kûrî muntû aûmba gûtua ncabiibû mûtîîni wa mîîgua, kana agatua nkûyû mûgaani?

Mûtî ûmwega ûciaraga maciaro meega, na mûtî ûmûthûûku ûciaraga maciaro maathûûku.

Mûtî ûmwega ûtiûmba gûciara maciaro maathûûku, na mûtî ûmûthûûku ûtiûmba gûciara maciaro meega.

Mûtî unthe ûra ûtaciaraga maciaro meega nûrîîkagwa ûkarîrîkîrwa na mwanki.