Popular Bible Verses from MATHAYO 27

Deildu

Na ta thaa inu kenda, Yiesû aagondoka na inya mûno. Auga, “Eli, Eli, lama cabakithani?” Tûgîtaûra, ûgu i ta kuuga, “Ngai wakwa, Ngai wakwa, i kî n'ûntû wantiganîria?”

Na warîru warîru, gîtambaa kîra kîagaanîîtie nyomba ya Ngai gîatembûkana maita maîrî kîganeene, kuuma îgûrû mwanka nthî. Nthîgûrû yainaina, ndwara cia maiga ciatûkanga. Nthiko ciarugûka mîîrî ya atheru bara baarî bagûkua yariûka.

Yiesû aagondoka na inya mûno kaîrî agîîkaîra, aanyaarûka.

Mûtongoria wa njûûrî ya acikaarî na bara baarî n'we agu bakarîîtie Yiesû, bakwona nthîgûrû yainaina na bûra gwakarîkire baagwatwa i kîmako kîînene mûno. Bauga, “Na mma muntû ûyû araarî Mwana wa Ngai.”

Kwanjîîria mûthenya gatî mwanka thaa kenda, mwindu waruma nthîgûrû yonthe.

Piraatû abaûria, “Aabu n'ata bûkwenda ndûtha na Yiesû ûyû agwîtwa Kîrîstû?” Bonthe bauganîîria rîmwe bamwîra, “Nambwe!” Piraatû abaûria, “I kî? I mabîtia marîkû arûthîîte?” Îndî amwe noogu kîrîndî kîathi na mbere kûyoga nkûrûki gîkîmwîraga, “Nambwe!”