Popular Bible Verses from ЛукӀа 13

Deildu

– Аллагьдин Пачагьлугъдиз рехъ ачухзавай гуьтӀуь варарай физ алахъ, – жаваб гана Ада. – За квез лугьузва, гзафбур а варарай физ алахъда, амма абурувай анай экъечӀиз жедач.

Ана чӀуру жинжи цӀемуьжуьд йисан къене акӀажарнавай са паб авай, адавай дуьз акъвазиз жезвачир. Ам акунмазни, Исади адаз эверна: – Вун ви начагъвиликай азад хьанва, вах.

ГьакӀ лагьана, Исади адал гъилер эцигна; паб гьасятда къарагъна дуьз хъхьана ва Аллагьдиз шукурар ийиз хьана.

Исятда агъада авайбурукай са бязибур вине жеда, исятда вине авайбурукай са бязибур – агъада.

КӀвалин иесиди къарагъна рак агалайла, куьн къецел амукьда. Куьне: «Я Агъа! Я Агъа! Чаз рак ахъая», – лугьуз, варар гатаз жеда. Амма Ада квез жаваб гуда: «Куьн гьинай я? Заз куьн чидач».

Ваъ, лугьузва За квез; куьн Аллагьдин рекьел татайтӀа, гьабур хьиз куьнни вири пуч жеда.

Амма Агъади жаваб гуда: «За квез лугьузва: куьн гьинай ятӀа, Заз куьн чидач. Залай алат, адалат квачир крар ийизвайбур».

Исади лагьана: – Аллагьдин пачагьвал куьз ухшар я ва Ам куьв гекъигиз жеда? Ам инсанди вичин сала цайи финдин тварциз ухшар я: ам экъечӀна, адакай еке тар хьана, къушарини адан хилерал мукар ийиз жеда.