Popular Bible Verses from Rōmano 3

Deildu

ko hara tahi ꞌana ꞌe ko haka tapa tahi ꞌana mai te ara haŋa e ia mo rāua. ꞌE, hai riva rahi mau nō ōꞌona, e kī ena e te ꞌAtua e tano rō ꞌana ki tōꞌona mata te taŋata haka moe i te manaꞌu ꞌi ruŋa i a Ietū, taꞌe ꞌō pē nei ē: e aŋa tātou e tahi meꞌe mo ꞌauhau ki a ia. E ai ena pē ira ꞌo te ai ko ꞌamo ꞌana e Ietū ꞌi ruŋa i a ia i te ūtuꞌa o te tātou hara.

hai ⌊haka moe i te manaꞌu⌋ ꞌi ruŋa i a Ietū Kiritō. Mo te ꞌAtua taꞌatoꞌa taŋata haka moe i te manaꞌu ꞌi ruŋa i a Ietū he taŋata tano ki tōꞌona mata. Mōꞌona te nuꞌu, ka hūrio ka taꞌe hūrio, ko tū meꞌe ꞌā

I uŋa mai ai, paꞌi, e te ꞌAtua i te ⌊Kiritō⌋ pa he tūtia mo haka kore i tōꞌona riri mo te tātou hara hai toto tehe era ꞌi ruŋa i te tātaurō. ꞌE, hai haka moe i te manaꞌu ꞌi ruŋa i te meꞌe aŋa era e te Kiritō, e haka kore ena e te ꞌAtua i te tātou hara. Hai meꞌe nei i haŋa ai te ꞌAtua mo haka aŋi-aŋi mai: a ia kope aŋa i te meꞌe tī-tika. Hora era kai tuꞌu mai ꞌana te Kiritō, kai tapa atu e te ꞌAtua i te hara o te taŋata, ꞌe i tuꞌu rō pa he meꞌe ena ē: ꞌina he tano tāꞌana meꞌe aŋa. I aŋa ai pē ira ꞌo te ai a ia kope ꞌite i te haꞌaoromaꞌi, ꞌe i haꞌaoromaꞌi ai i te hara o rā nuꞌu ꞌātā ki te hora mo ꞌamo e Ietū i te hara o te taꞌatoꞌa. Pē ira e ꞌite nei: te ꞌAtua he kope aŋa i te meꞌe tano, ꞌe e tano rō ꞌā a ia mo kī: te nuꞌu taꞌatoꞌa haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

ꞌIna e tahi kope mo tano ki te mata o te ꞌAtua hai haꞌatura ki te ⌊haka tere iŋa ꞌa Mōtē⌋ ꞌi te meꞌe era e ko ravaꞌa te haka tere iŋa era mo haꞌatura tahi. Te ꞌAtua i vaꞌai mai ai i rā roŋo mo haka ꞌite mai: a tātou taꞌatoꞌa he nuꞌu hara.

Pē nei e kī ena ꞌi ruŋa i te Pāpaꞌi Moꞌa: «ꞌIna e tahi kope tano ki te mata o te ꞌAtua. ꞌIna e tahi kope aŋi-aŋi i te parautiꞌa o ruŋa i a ia. ꞌE ꞌina takoꞌa e tahi kope haŋa hai māhatu mo ꞌite o ruŋa ōꞌona. Taꞌatoꞌa taŋata ko oho ꞌā a te ara taꞌe tano; ꞌina e tahi o rāua i aŋa i te meꞌe tī-tika.

Pē ira a tātou i tuꞌu ai ki te roa: he tano te taŋata ꞌi muꞌa o te ꞌAtua hai haka moe i te manaꞌu ꞌi ruŋa i a Ietū, ꞌe taꞌe ꞌō hai haꞌatura ki te haka tere iŋa ꞌa Mōtē.

Taꞌe pē ira. Te ꞌAtua e aŋa ena i tāꞌana meꞌe taꞌatoꞌa hai parautiꞌa, ka ai atu he reo-reo nō te aŋa o te taŋata taꞌatoꞌa. ꞌE nā ꞌi ruŋa i te ⌊Pāpaꞌi Moꞌa⌋ e kī ena mo te ꞌAtua: «E kī rō e te taŋata: taꞌa vānaŋa he parautiꞌa ꞌe, ꞌi te hora o te ture, i a koe te rē».