Popular Bible Verses from Ēfeto 5

Deildu

Pa he ŋā poki haŋa rahi kōrua o te ꞌAtua, e tuꞌu kōrua pē ia. E haka rē mo te haŋa e haka tika atu, pa he meꞌe aŋa e Ietū hora vaꞌai era i a ia ki te mate mo tātou. ꞌE tōꞌona mate era, mo te ꞌAtua, pa he tūtia ꞌeo.

ꞌO ira, e uꞌi te kōrua noho iŋa. ꞌIna ko ai pa he noho iŋa o te nuꞌu taꞌe ꞌite mo haka topa i te manaꞌu. Mo ai o te meꞌe riva-riva mo aŋa e kōrua, e aŋa; hora nei, paꞌi, nuꞌu rahi te nuꞌu aŋa i te meꞌe taꞌe tano.

ꞌIna ko unu ka taꞌero rō, ꞌo taꞌe tano te kōrua noho iŋa; e haka rē mo te ⌊Vārua Maitai⌋ e vaꞌai atu i tōꞌona pūai ꞌe e haka tere atu i a kōrua. Pē ira he hīmene kōrua i te vānaŋa o te ꞌAtua aŋa mo hīmene, i te hīmene kati-kati mo te ꞌAtua, ꞌe i te meꞌe haka hīmene e te Vārua Maitai koia ko haꞌahana-hana hai māhatu ki te ꞌAtua. ꞌO te ai o kōrua ꞌa Ietū Kiritō, Pūꞌoko Haka Tere o tātou, e māuru-uru e oho ki te ꞌAtua Matuꞌa mo te meꞌe taꞌatoꞌa.

ꞌIna kōrua ko aŋa i te meꞌe ꞌina kai manaꞌu riva-riva hia; e noho e haka topa he aha te meꞌe haŋa mau o te ꞌAtua.

E te kenu, e haŋa ki te kōrua ŋā viꞌe, pa he haŋa iŋa ena ꞌā o Ietū ki a tātou, ki te nuꞌu taꞌatoꞌa haka moe i te manaꞌu ꞌi ruŋa i a ia, haka takeꞌa hai vaꞌai iŋa era i a ia ki te mate mo tātou.

ꞌI muꞌa ꞌā e noho era kōrua ꞌi roto i te pōhāhā. ꞌE hora nei, ꞌi te ai o kōrua ꞌa Ietū Kiritō, ꞌi roto i te māꞌeha kōrua. ꞌO ira, e haka tere kōrua pa he nuꞌu noho ꞌi roto i te māꞌeha.

E te taina, e moꞌa kōrua ꞌi roto i a kōrua ꞌana, ki takeꞌa ai e moꞌa rō ꞌana kōrua i a Ietū Kiritō.

Pa he haka rē iŋa o te viꞌe mo haka tere i a ia e Ietū, pē ira takoꞌa ana haka rē i a ia mo haka tere e tāꞌana kenu.

ꞌE mo kōrua takoꞌa te vānaŋa nei: e haŋa te kenu ki tāꞌana viꞌe, pa he haŋa iŋa mau era ꞌā ōꞌona ki a ia, ꞌe te viꞌe, e ꞌite mo moꞌa i tāꞌana kenu.

E kī rō ꞌana, paꞌi, ꞌi ruŋa i te Pāpaꞌi Moꞌa pē nei ē: «Te taŋata e hāipo-ipo ena, he haka rē i tōꞌona matuꞌa tane ꞌe i tōꞌona matuꞌa vahine mo noho ꞌi muri i tāꞌana viꞌe ꞌe ararua he riro he hakari mau nō e tahi».

ꞌIna ko aŋa i te meꞌe taꞌe hauhaꞌa aŋa e te nuꞌu noho o roto i te pōhāhā. Te meꞌe o kōrua mo aŋa he hāꞌūꞌū ki a rāua mo aŋi-aŋi pē nei ē: te meꞌe aŋa o rāua meꞌe taꞌe tano.