Popular Bible Verses from 1 Kōrinto 11

Deildu

ꞌE pē ira takoꞌa ꞌana, i oti era te kai, he toꞌo i te hapaina vino ki tōꞌona rima ꞌe he kī: «Te meꞌe nei he toto ōꞌoku ka pariŋi ena mo kōrua, he tāpaꞌo o te ⌊haka tere iŋa ꞌāpī o te ꞌAtua ananake ko te taŋata⌋. E aŋa i te meꞌe nei pa he meꞌe mo manaꞌu ki a au». Pē ira i kī ai e Ietū. ꞌO ira, e te taina ē, ꞌina ko rehu: taꞌatoꞌa hora kai o kōrua i te haraoa ꞌe unu i te vino pa he meꞌe mo manaꞌu ki a ia, e haka ꞌite e oho ꞌā, ꞌātā ki te hoki iŋa mai o te tātou Pūꞌoko Haka Tere, o ruŋa i tōꞌona mate iŋa mo tātou.

E te taina, te meꞌe nei ꞌāꞌaku ka kī atu ena mai te tātou Pūꞌoko Haka Tere mau ꞌā i ꞌite mai ai, ꞌe i haka ꞌite rō atu e au ki a kōrua: A Ietū, te tātou Pūꞌoko Haka Tere, ꞌi te pō hoꞌo mau era ꞌā i a ia, i toꞌo ai i te haraoa e tahi ki tōꞌona rima, ꞌe, ki oti te māuru-uru ki te ꞌAtua, he mo-more he kī: «Te meꞌe nei he hakari ōꞌoku ka mate ena mo te riva-riva o kōrua. E aŋa i te meꞌe nei pa he meꞌe mo manaꞌu ki a au».

ꞌO ira, ꞌi raꞌe ki te kai ꞌe ki te unu i rā meꞌe, e haka topa te manaꞌu hoki e tano mau rō ꞌana tuꞌu māhatu ki te ꞌAtua. ꞌE mo kai ꞌe mo unu tahaŋa nō ꞌina kai manaꞌu hia, e kimi ꞌana koe i toꞌu ūtuꞌa.

Kope nō era mo kai i te haraoa ꞌe mo unu i te vino haka manaꞌu i te mate o te tātou Pūꞌoko Haka Tere ꞌe ꞌina he moꞌa ꞌe ꞌina he manaꞌu i te haꞌaauraꞌa parautiꞌa o rā meꞌe, e hara ꞌana ki te hakari ꞌe ki te toto mau era ꞌā o te tātou Pūꞌoko Haka Tere.

E te taina, e haka tere kōrua pē au, pa he haka tere iŋa nei ōꞌoku i a au pa he ⌊Kiritō⌋.