Vinsæl biblíuvers úr Rom 8

Deildu

Cöök ŋicku kï, an, Këriëëc ëbɛ̈n ee mat ëtök, bï kɔc nhiaar Nhialic bɛ̈n luöi këpiɛth, kɔc cï cɔɔl ë këde piɔ̈nde.

Cöök ŋiɛc ë yapiɔ̈u arëët kï an, Thuɔɔu, ayï pïïr, ayï tuuc bɔ̈ nhial, ayï bäny, ayï riɛl, ayï ka ke ënɔɔnë, ayï ka bï nu wadäŋ, ayï bɛ̈ɛ̈r bɛ̈ɛ̈rë käŋ, ayï tëthuth, ayï të de yen däŋ cï cak, acïn tök ee kakë yiic töŋ bï pɛ̈ɛ̈k lëu, pɛ̈ɛ̈k bï en wo pääk në nhiëër ë Nhialic, nhiëër nu ë Kërtho Yecu Bɛ̈nydïïtda yic.

Ku Wëidït ee wo kony aya në kɔ̈c kɔ̈ɔ̈c wok, lɔ̈ŋ bï wok lɔ̈ŋ apiɛth akucku, ku Wëidït guöp yen aye lɔ̈ŋ në biäkda në keŋ cïï duëërë lueel.

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Yen ka, acïn gääk be nu ë kɔc yiëth kɔc nu ë Kërtho Yecuyic, kek kɔc cie tɔ̈u ë täu de guöp, ayek tɔ̈u ë täu de wëi.

Täŋ ee raan ka ke guöp tak yen aye thuɔɔu, ku täŋ ee raan ka ke Wëi tak yen aye pïïr ku ye mät.

Acie yen, ku në kakë yiic kedhie wok ee jööt ee tɔŋ tiaam arëët në riɛl ë raan cï wo nhiaar.

Cöök cä kueen ë yapiɔ̈u ka an, Karac yok guum ënɔɔnë, acïnkï naamden, acïkï duëërë kiëët ë dhuëëŋ bï dap nyuöth wook.

Eeŋa bï wo pääk në nhiëër ë Kërtho? Bï ë këril gumku lëu, ayï kërɛɛc dhal wook, ayï yöŋ, ayï cɔk, ayï ciën cïn wokɔ̈ɔ̈th lupɔɔ, ayï riɔ̈ɔ̈c, ayï tɔŋ, de töŋ bï e lëu ë keyiic?

Ku Raan ë kɔc woi piɔ̈ɔ̈th thïn ee piɔ̈n ë Wëidït ŋic, täu tɔ̈u en, luɔi ee yen lɔ̈ŋ në biäk de kɔc ɣerpiɔ̈ɔ̈th në këde piɔ̈n ë Nhialic.

Kɔc ëbɛ̈n kɔc ee thel ë Wëi ke Nhialic, kek aye wɛ̈ɛ̈t ke Nhialic.

Kɔc ee tɔ̈u ë täu de guöp ayek ka ke guöp tak, ku kɔc ee täu ë täu de Wëi ayek ka ke wëi tak.

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

Wëidït gup kek aye jam në piɔ̈ɔ̈thkuɔ ëtök, alëkkï wook nɔn ee wok mïth ke Nhialic. Ku tën ee wok mïth, ke wo bï käŋ lɔ̈ɔ̈k lak, wok ee mïth bï ka ke Nhialic lɔ̈ɔ̈k lak, ku löökku käŋ rɔm ë Kërtho ëtök, na yok käŋ guum në yen ëtök, ke wo bï gäm dhuëëŋ ëtök.

Ë luɔi de yen ater kekë Nhialic, yen täŋ ee raan ka ke guöp tak, ku acïï këde löŋ de Nhialic ee piŋ, ku acie lëu ë pïŋ ayadäŋ.

Ka cï cak ëbɛ̈n ayek käŋ ŋɔ̈ɔ̈th arëët, atitkï kööl ë tïc bï wɛ̈ɛ̈t ke Nhialic tïc.

Ku ka cï cak ëbɛ̈n aŋicku nɔn keŋ kek ëtök ku remë kegup acït man ë tiiŋ kɔɔr dhiëth aɣet cï ënɔɔnë.