Popular Bible Verses from Maka 8

Deildu

Kutu pa꞉la꞉ ekima꞉ hali epima꞉ ipika꞉ hao hala꞉eki miniki hao haluekema꞉ hone wia꞉ka꞉na꞉ta꞉ kota꞉ ipika꞉ hao hala꞉eki kone alupilieke leekeme. Kutu piliepate I̱ pa꞉ta꞉ make do handa꞉ Pi Seliapo pa꞉ta꞉ make hone witolo hata꞉ ipika꞉ hao hala꞉eki alupaasa꞉ halima꞉ ota꞉ da꞉taa halieke leekeme.

Hali epima꞉ do kenke ala꞉ta꞉ ala꞉ta꞉ paeyao ipika꞉eki wina꞉ laa alo hata꞉ ipika꞉ hao hala꞉eki alupia꞉ka꞉na꞉ta꞉ kota꞉ epeke ekita꞉ ekipa miliepe leekeme.

Yesuma꞉ pota꞉na꞉ titi yola pemeke wanda꞉hali make ipika꞉ disaipolo haliweki make ipiki pa꞉ta꞉ epena꞉yeke wi lemipi peaata꞉ iki pa꞉ta꞉ alota꞉ Ya hoki nane toluekema꞉ hone pa꞉la꞉ halima꞉ ipiki pa꞉ta꞉ kone hone ula꞉ ekimanu tunkulaata꞉ ipika꞉ a꞉ka꞉tei wapepiki ti mea tia ya hoki nane telina꞉e leekeme.

Koto somema꞉ ipika꞉ hao hala꞉eki paa muluekema꞉ alekema꞉ topo peaalia꞉pe. Do hande Koda꞉ pa꞉ta꞉ hone na wiki ti teke yoko haleme wanda꞉hali ame̱le̱ hala꞉ hali ma꞉nda꞉ epima꞉ I̱ pa꞉ta꞉ tonka꞉na꞉ yaka pi alemanu pa꞉ta꞉ tonka꞉na꞉ hunkupuma꞉ homea꞉ka꞉na꞉ta꞉ kota꞉ koto hali pa꞉ta꞉ mo Wanda꞉halina꞉ Eiyekema꞉ hunkupuma꞉ homilieke. Ipika꞉ Atekena꞉ pa̱a̱ pa꞉la꞉eki tukiki pa꞉ta꞉ hao hande yakopiki enisolo tonu ame̱le̱ ipilia꞉ dina꞉ta꞉ kota꞉ koto hali handa꞉peketa꞉ hunkupuma꞉ homilieke.

Kutupa iki pa꞉ta꞉ paa lota꞉ piekeme dupa. Koto lo halemepate ikana꞉ma꞉ta꞉ I̱ta꞉ epi lo halemepe leekeme. Pidama꞉ ipika꞉ pi hombo peaaso alota꞉ Neketa꞉ Ketisoe leekeme.