Popular Bible Verses from Maka 5

Deildu

Yesuma꞉ ipiki pa꞉ta꞉ alota꞉ Ya wandikio. I̱ pa꞉ta꞉ hone tulaase ekima꞉ tiaaseme. Puki lopaniao pua꞉peke. Naka꞉ yeni paeya꞉me leekeme.

Koto pa꞉ta꞉ wanda꞉ ma꞉nda꞉ hayekeme. Mo wanda꞉ta꞉ bapi 12 tukiki pa꞉ta꞉ hata꞉ we yopu hayekeme. Dokeda titima꞉ taapemeke ekima꞉ tanda halo haemekema꞉ ipika꞉ mani paeyao pa batiki piekepate we na tunkuliki pa daeyatiki piekeme.

Kutupa koto kone we yopu hayekeeki tunkula ipika꞉ honema꞉ hone witolo hata꞉ta꞉ hande yeni paeya꞉me. Ameta꞉ tiaasome hone wiekeme.

Kutupa ipikana꞉ma꞉ mo wandikina꞉ kiki minaaka꞉na꞉ alota꞉ Talida kumi o Wandikio. Neke pa꞉ta꞉ tiae alome leekeme.

Yesuma꞉ pi pa alo haena꞉ mandane haliwekima꞉ hande pi hotu haemeke da you halina꞉ da nane hao a꞉pa alota꞉ Naka꞉ wandikita꞉ ota꞉ homea꞉me laa Ekipeke mo Disa honke loloendi pitelepe lemekeme. Koto lemekepate Yesuma꞉ na opiki mo hali pa꞉ta꞉ alota꞉ Paala꞉ma꞉ na homa꞉peke. I̱ pa꞉ta꞉ pa hone tulaapeke leekeme.

Yesuma꞉ amba꞉ kone ipiki pa꞉ta꞉ Hoke temokoo. Do hali mina꞉pa꞉lao pue leeke handaa mo halima꞉ koto leekeme. Kutupa Yesuma꞉ ipiki pa꞉ta꞉ lota꞉ pitolo alota꞉ Naka꞉ bikita꞉ epi ya꞉ka꞉ta꞉pe laa ipikana꞉ma꞉ alota꞉ Yaka bikita꞉ Eleke elekee laata꞉ Nikita꞉ wopu eleke eleke halomeke handa loa꞉me leekeme.