Popular Bible Verses from Maka 13

Deildu

Yaka biki menelemeke handaa wanda꞉hali paeyaoma꞉ iki ota꞉ kiaalimikie. Kutu pilimipate hali epima꞉ kima꞉ na homeke paelo pa꞉la꞉ tombona꞉ opolo puaata꞉ deto hala꞉eki milieke leekeme.

Ikita꞉ u̱ na peliki yu wia hapa꞉peke. Mo epolo pa꞉la꞉ dita꞉ iki mateleme.

Kutupa pi yokaalu puluekema꞉ iki mea hatuku pemeka꞉na꞉ta꞉ kota꞉ ika꞉ lolo peleme pi amba꞉la hone bao hapa꞉peke. Koto pita꞉ta꞉ Koda꞉ma꞉ la kia꞉ka꞉na꞉ta꞉ kotoeki lapa꞉peke leekeme. Ika꞉ kone pi na lelimikie. Holi Sipitidima꞉ lawaalieke.

Oli ya do kenke yaapota꞉ paelo pa꞉la꞉pate yaka pi lo haloeki manuta꞉ na paelieke leekeme.

Kutu piliepate hande loa꞉ nate epolo pa꞉la꞉ ekita꞉ ma꞉nda꞉ma꞉ na handa꞉la꞉me. Nate handopa꞉ta꞉ haena꞉ epolo pa꞉la꞉eki make ma꞉nda꞉ma꞉ na handa꞉la꞉me. Oli hepeni nane haleme enisolo tapakema꞉ make Eiyekema꞉ make na handelema꞉pate Atekema꞉ homeke handa꞉la꞉me leekeme.

Teke pa꞉ta꞉ make papate make a꞉nda꞉ pitelememe pi opimika꞉na꞉ta꞉ paala꞉ma꞉ na homa꞉pa꞉peke. Kutu pulu pelemepate paelo pa꞉la꞉ nateta꞉ a̱i̱ dia꞉me leekeme.

Koto ekina꞉ handeteke hapa꞉peke. Hande da teke halina꞉ epolo pa꞉la꞉ dita꞉ iki mata꞉la꞉me. Timba꞉ timba꞉ alo haena꞉pe o buta꞉ hokina꞉pe o koka꞉la꞉ e̱ alo haena꞉pe o da ka꞉la꞉paaso nanepe. Ikita꞉ u̱ peliolo hamina꞉ ipikita꞉ kutaa kone a꞉paama꞉na꞉ loa꞉me. Kutupa I̱ma꞉ iki pa꞉ta꞉ alo ekita꞉ wanda꞉hali paeyao pa꞉ta꞉ alome. Handeteke hapa꞉peke leekeme.

Koto ekina꞉ kenke homeke wanda꞉halima꞉ tiaota꞉ kenke ma꞉nda꞉ wanda꞉hali pa꞉ta꞉ a꞉nda꞉ pilimikie. Na꞉sinolo Kapomani homekena꞉ wanda꞉halima꞉ tiaota꞉ Na꞉sinolo Kapomani ma꞉nda꞉ pa꞉ta꞉ a꞉nda꞉ pilimikie leekeme. Yu kenke ta꞉ta꞉ ta꞉ta꞉ pa꞉ta꞉manu yu momeni wotu pilimikie. Kutupa da ma꞉nda꞉ nane da ma꞉nda꞉ nane halo peleme wanda꞉hali pa꞉ta꞉ tea꞉ ki ipilieke leekeme. Kutupulu pelemeeki manuta꞉ tandama꞉ homolo peleme ekita꞉ kini pu milimikie leekeme.

Kutu puluekema꞉ haena꞉ titina꞉ amba꞉la mandane wanda꞉halima꞉ mo hande Pi Seliapo kenke ma꞉nda꞉ kenke ma꞉nda꞉ wanda꞉hali paeyao pa꞉ta꞉ walimikie leekeme.

Haliweki wopuma꞉ yaka biki alo hata꞉ alota꞉ I̱ta꞉ Ketisoe lelimikie. Kutupa wanda꞉hali wopu hatuku pu hoeyaalimikie leekeme.

Koto ekina꞉ta꞉ ika꞉ kone wotu handeteke hapa꞉peke. Pa ekipeke wanda꞉halima꞉ iki mo pi yokaalu pulu pa꞉la꞉ haliweki pa꞉ta꞉ mea hatuku pelimikie. Pi hotu hala꞉ damanu tukiki pa꞉ta꞉ iki yombu mea baalimikie. Kutupa yaka bikina꞉ kapomani you halimanu pa꞉ta꞉ make Kini haliweki pa꞉ta꞉ make hata꞉ ika꞉ pu halemekeeki la halimikie leekeme.

Yayapiki Ketiso haliweki make yayapiki potopede haliweki make a꞉paata꞉ iki penkilipulu peleme alemanu make wele pita꞉la꞉ ekimanu make walaata꞉ mo hande Koda꞉na꞉ talopu ma꞉la꞉ wanda꞉hali kone kutu pea꞉peke ya꞉ka꞉na꞉ta꞉ hatuku pu hoeyaaluekema꞉ walimikie.

Koto nate manuna꞉ mo hande ka꞉nda꞉ma꞉ homolo pelemeeki hone matekeeki paeya꞉ka꞉na꞉ta꞉ wetepena꞉ oli nate make timba꞉ lo pambaata꞉ oli sumba꞉ make ipika꞉ pa̱a̱ na pilieke. Oli hombulanka꞉manu make ya nane hao honda꞉ pa pa pu lopa꞉tiki pilieke. Kutupa oli ya nane wele peaasa꞉ ekimanu la꞉ma꞉la꞉ma꞉ pupa wilimikie.