Popular Bible Verses from Kini Pieke 22

Deildu

Kutupa Eipoloha꞉ma꞉ma꞉ koto pate bikita꞉ Koda꞉ma꞉ Ana꞉ Lao Hala꞉me leekeme. Kutupa ame do make wanda꞉halima꞉ta꞉ Mo Koda꞉na꞉ potena꞉ ipikana꞉ma꞉ ana꞉ lao hala꞉me lo halememe.

Koda꞉ma꞉ alota꞉ Mo ota꞉ naka꞉ pukima꞉ homele homeke weki Aisa꞉keta꞉ hatuku mo Motaeya kenke pa꞉ta꞉ pue. Kutupa koto pate I̱ma꞉ walua꞉ potena꞉ naka꞉ weki lia I̱ pa꞉ta꞉ kuelena꞉ loa꞉me leekeme.

Koto leeke mo enisoloma꞉ alota꞉ Mo weki na liki ipiki pa꞉ta꞉ hau ma꞉nda꞉ na pia꞉pee. Nakana꞉ma꞉ naka꞉ homeke weki homeketa꞉ na sa꞉sa꞉ pele ekina꞉ ameta꞉ nakana꞉ma꞉ Koda꞉ paala꞉ma꞉ homeka꞉ta꞉me laa hone ulume leekeme.

Koto leeke Eipoloha꞉ma꞉ma꞉ hombo peaaso alota꞉ Koda꞉ma꞉ kone kilieke leekeme. Kutupa telipuna꞉ mandakena꞉ pepekeme.

I̱ma꞉ pi la꞉ witolota꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ oli yana꞉ hala꞉ hombulanka꞉ manuma꞉ o mo ikali tiekena꞉ tea꞉na꞉ ula꞉ hou manuma꞉ handena꞉ lolueke leekeme. Kutupa ikana꞉ma꞉ta꞉ ika꞉ a꞉nda꞉ tunkuliki wanda꞉halita꞉ lu bepolalimikie. Mo nakana꞉ma꞉ yaka pi opele ekina꞉ I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ yama꞉ta꞉ mo tutu paeyao sikita꞉ epeaasa꞉eki mina꞉ lolueke leekeme.

Nate ma꞉nda꞉na꞉ Koda꞉ma꞉ Eipoloha꞉ma꞉ la handuluekema꞉ wi alota꞉ Eipoloha꞉ma꞉o leeke Eipoloha꞉ma꞉ma꞉ hombo peaasota꞉ Wae laa alota꞉ I̱ do handa꞉e leekeme.

mo Tekehalina꞉ enisoloma꞉ ya pa꞉ta꞉ yama꞉ ipiki pa꞉ta꞉ wi alo alota꞉ Eipoloha꞉ma꞉o. Eipoloha꞉ma꞉o leekeme. Ipikana꞉ma꞉ hombo peaaso alota꞉ Wae. I̱ do handa꞉e leekeme.

Kutupa mo Tekehalina꞉ enisoloma꞉ ya pa꞉ta꞉ yama꞉ Eipoloha꞉ma꞉ paa yaapo peao wi alo alota꞉ I̱ta꞉ Tekehalima꞉ ota꞉ yaka bikina꞉ pi la꞉ witolota꞉ I̱ma꞉ta꞉ neke wopu epealueke. Pa ekipeke. Nakana꞉ma꞉ta꞉ naka꞉ homeke weki kone na sa꞉sa꞉piki I̱ pa꞉ta꞉ kuluekema꞉ taape ekina꞉ loa꞉me.

Kutupa mo hande Koda꞉ma꞉ la haleeke alena꞉ opolo a꞉pa Eipoloha꞉ma꞉ma꞉ oloda a꞉eyaata꞉ ti manda ana꞉ layekeme. Kutupa ipikana꞉ma꞉ ipika꞉ weki tonkao mo olodana꞉ ti manda wiekeme.