Popular Bible Verses from ᓭᐣᐟ ᒫᐟᔪ 20

Deildu

ᒫᑲ ᐃᐧᔭ ᑭᔭᐋᐧᐤ ᓇᒪᐃᐧᔭ ᐁᑯᓯ ᑭᑕ ᐃᐦᑭᐣ; ᒫᑲ ᑭᐢᐱᐣ ᐊᐃᐧᔭᐠ ᐋᐧ ᑭᒐᔨᐃᐧᑫᐧ ᐅᒪ ᑳ ᐃᑕᓱᔦᐠ, ᑭᔮᒼ ᑭ ᑲ ᐅ ᐸᒥᐢᑕᑲᓂᒥᓇᐋᐧᐤ; ᒥᓇ ᒫᑲ ᑭᐢᐱᐣ ᐊᐃᐧᔭᐠ ᐋᐧ ᑭᐢᑌᔨᑖᑯᓯᑫᐧ ᐅᒪ ᑳ ᐃᑕᓯᔦᐠ, ᑭᔮᒼ ᑭ ᑲ ᐅᐟ ᐊᑐᐢᑫᔮᑲᓂᓈᐋᐧᐤ; ᑖᐱᐢᑯᐨ ᐃᔨᓂᐃᐧᑯᓯᓵᐣ ᐁᑳ ᑳ ᑭ ᐯ ᐅᐦᒋ ᐃᑐᐦᑌᐟ ᑭᑕ ᐸᒥᐦᐃᐦᐟ, ᒫᑲ ᐃᐧᔭ ᑭᑕ ᐸᒥᐦᐃᐁᐧᐟ, ᒥᓇ ᑭᑕ ᒣᑭᐟ ᐅ ᐱᒫᑎᓯᐃᐧᐣ ᒥᐦᒉᐟ ᑭᑕ ᐅᐦᒋ ᐱᒫᑎᓯᔨᐟ.

ᐁᑯᓯ ᒫᑲ ᐊᓂᑭ ᐃᐢᑲᐧᔭᐨ ᑭᑕ ᓂᑲᓂᓯᐊᐧᐠ, ᒥᓇ ᑳ ᓂᑲᓂᓯᒋᐠ ᑭᑕ ᐅᑕᑫᐃᐧᐊᐧᐠ; ᒋᑫᒫ ᒥᐦᒉᐟ ᓇᑐᒪᐊᐧᐠ, ᒫᑲ ᒐᑲᐊᐧᓯᐢ ᑳ ᓇᐊᐧᓱᓂᐦᒋᐠ.

ᐁᑯᓯ ᒫᑲ ᒋᓴᐢ ᑭ ᑭᑎᒫᑭᓇᐁᐧᐤ, ᒥᓇ ᐁ ᑭ ᓴᓴᒥᓇᒫᐧᐟ ᐅᐢᑭᓯᑯᔨᐊᐧ; ᓭᒫᐠ ᒫᑲ ᑭ ᐋᐧᐱᔨᐊᐧ, ᒥᓇ ᐁ ᑭ ᐱᒥᑎᓴᐦᐅᑯᐟ.