Popular Bible Verses from ᓭᐣᐟ ᒫᐟᔪ 2

Deildu

ᐃᐢᐱ ᒫᑲ ᑳ ᐱᐦᑐᑫᒋᐠ ᐋᐧᐢᑳᐦᐃᑲᓂᕽ, ᑭ ᐋᐧᐸᒣᐊᐧᐠ ᐅᐢᑲᐋᐧᓯᓴ ᐊᓯᒋ ᒣᕒᐃᐊᐧ ᐅᑳᐃᐧᔨᐊᐧ, ᐁᑯᓯ ᐁ ᑭ ᐸᐦᑭᓯᐦᑭᐠ, ᐁ ᑭ ᐅᒋᐦᒋᐦᑲᐧᓇᐱᐢᑕᐋᐧᒋᐠ: ᐃᐢᐱ ᒫᑲ ᑳ ᐹᐢᑭᓇᑭᐠ ᐅ ᐁᐧᔪᑎᓯᐃᐧᓂᐋᐧᐊᐧ, ᑭ ᐸᑭᑎᓇᒪᐁᐧᐊᐧᐠ ᒣᑭᐃᐧᓇ; ᐅᓵᐃᐧᓱᓂᔮᐊᐧ, ᒥᓇ ᐃᐧᑭᒫᓯᑲᐣ, ᒥᓇ ᐱᑭᐤ ᐃᐧᔨᑭᒫᑯᓯᔨᐟ.

ᐁᑲᐧ ᐃᐢᐱ ᑳ ᓂᐦᑖᐃᐧᑭᐟ ᒋᓴᐢ ᐊᓂᑕ ᐯᐟᓬᐃᔭᒥᕽ ᒍᑎᐊᐃᕽ ᑳ ᐃᐦᑕᑲᐧᕽ, ᒣᑳᐧᐨ ᐁ ᑭᐦᒋ ᐅᑭᒫᐃᐧᐟ ᐦᐁᕒᐊᐟ, ᒋᐢᐟ, ᐃᔨᓂᓯᐃᐧᔨᓂᐊᐧᐠ ᑭ ᐯ ᑕᑯᓯᓇᐧᐠ ᐋᐧᐸᓄᑖᕽ ᐅᐦᒋ ᒉᕒᐅᓴᓬᐊᒥᕽ ᐃᓯ. ᐁ ᐃᑌᐧᒋᐠ, ᑖᓂᐋᐧ ᑳ ᑭ ᓂᐦᑖᐃᐧᑭᐟ ᐅᐟ ᐅᑭᒫᒥᐋᐧᐊᐧ ᒍᐊᐧᐠ? ᒋᑫᒫ ᓂ ᑭ ᐋᐧᐸᒥᒫᓈᐣ ᐅᐟ ᐊᒐᑯᒪ ᐋᐧᐸᓄᑖᕽ, ᐁᑯᓯ ᐁ ᐯ ᐃᑐᐦᑌᔮᕽ ᑭᑕ ᐅᒋᐦᒋᐦᑲᐧᓇᐱᐢᑕᐋᐧᔮᕽ.

ᐃᐢᐱ ᒫᑲ ᑳ ᐋᐧᐸᒫᒋᐠ ᐊᒐᐦᑯᓴ, ᑭ ᑭᐦᒋ ᒪᒪᐦᑖᑯᓯᐊᐧᐠ ᑭᐦᒋ ᒥᔭᐋᐧᑕᒧᐃᐧᓂᕽ.

ᒫᑲ ᐁ ᐃᐧᐦᑕᒫᑯᒋᐠ ᑭᓭᒪᓂᑐᐊᐧ ᐸᐋᐧᒥᐃᐧᓂᕽ, ᐁᑳ ᑭᑕ ᑭᐁᐧᑐᑕᐋᐧᒋᐠ ᐦᐁᕒᐊᑕ, ᑭ ᐊᑎ ᓯᐯᐧᑌᐊᐧᐠ ᑎᐱᔭᐁᐧ ᐅᐟ ᐊᐢᑭᐋᐧᕽ ᐃᓯ ᑯᑕᐠ ᒣᐢᑲᓈᕽ. ᐃᐢᐱ ᒫᑲ ᑳ ᓯᐯᐧᑌᒋᐠ, ᒋᐢᐟ, ᐅᑭᓯᑯᒪ ᑳ ᑎᐯᔨᐦᒋᑫᐟ ᑭ ᓄᑯᐦᐃᓱᐢᑖᐁᐧᔨᐊᐧ ᒍᓯᑊᐊ ᐸᐋᐧᒥᐃᐧᓂᕽ, ᐁ ᐃᑖᐟ, ᐊᐧᓂᐢᑳ, ᒥᓇ ᐅᑎᐣ ᐅᐢᑲᐋᐧᓯᐢ ᒥᓇ ᐅᑳᐃᐧᔭ, ᐁᑯᓯ ᐃᒋᑊᑎᕽ ᐃᑖᒧ, ᐁᑯᑌ ᒫᑲ ᐊᔮ ᐃᔨᑯᕽ ᒥᓇ ᑭᑕ ᐃᐧᐦᑕᒫᑖᐣ; ᒋᑫᒫ ᐦᐁᕒᐊᐟ ᑭᑕ ᓇᓇᑐᓇᐁᐧᐤ ᐅᐢᑲᐋᐧᓯᓴ ᑭᑕ ᓂᓯᐊᐧᓈᒋᐦᐋᐟ.