Popular Bible Verses from Chiqish 7

Deildu

Egamiz Musoga aytdi: — Qarab tur, akang Horunni sening oʻrningga gapiradigan qilaman. Seni firʼavn uchun Xudoday qilib qoʻyaman. Horun esa sening paygʻambaring boʻlib, gaplaringni firʼavnga yetkazadi.

Lekin Men alomatu moʻjizalarimni Misr yurtida koʻrsatay deb, firʼavnning yuragini tosh qilib qoʻyaman. Firʼavn sizlarning gapingizga quloq solmaydi. Oʻshanda Men Misrga qarshi qoʻl koʻtarib, unga koʻp kulfatlar keltiraman. Keyin hukmning qudratli ishlari bilan Isroil oilalarini va qabilalarini olib chiqaman.

Misrga qarshi qoʻl koʻtarib, Isroil xalqini Misrliklarning orasidan olib chiqqanimda, Egangiz Men ekanligimni Misr xalqi bilib oladi.

Shunda firʼavn ham oʻzining sehrgarlarini — donishmandlarini va folbinlarini chaqirdi. Misr sehrgarlari sehr–jodularini ishlatib, oʻshanaqa moʻjiza koʻrsatdilar. Har biri tayogʻini yerga tashlagan edi, tayoq ilonga aylanib qoldi. Horunning iloni Misr sehrgarlarining ilonlarini yutib yubordi.

Egamiz shunday aytmoqda: «Egangiz Men ekanligimni endi bilib olasan.» Qoʻlimdagi mana bu tayoqni Nil daryosining suviga urganimda, suv qonga aylanadi.

— Firʼavn sizlarga: “Birorta ajoyibot koʻrsatinglar–chi”, deb aytsa, Horunga buyur, tayoqni olib, firʼavnning oldiga tashlasin. Tayoq ilonga aylanib qoladi. Shunday qilib, Muso bilan Horun firʼavn huzuriga bordilar. Egamiz amr etganday ish tutdilar: Horun tayogʻini firʼavn va uning aʼyonlari oldiga tashlagan edi, tayoq oʻsha zahoti ilonga aylanib qoldi.