Vinsæl biblíuvers úr Matyu 7

“Nyi lyip, á̱ na nang nyin. Nyi kup á̱ghyi di̱ chat, nyi na shya̱. Nyi tsot nyinyiit hu, á̱ na khwuk nyin dyo.

Mat konyan wa lyip, á̱ na nang gu. Ma a̱nia wa, a̱tyu a̱ kup á̱ghyi di̱ chat a̱ni, a̱ na shya̱; ma̱ng a̱tyu a̱ tsot nyinyiit hu a̱ni, á̱ na khwuk gu ndyo.

“Mat a̱nia, konyan wa fa̱k a̱lyiat nung na a̱ si̱ nyia̱ ta̱m ma̱ng á̱na, á̱ na tyan gu nang a̱tyu mumwang a̱ nok a̱li nggu ka tazwa a̱fang a̱ni.

Mat a̱nia, kuzang kyang nang nyi chat á̱niet ba̱ nyia̱ nyin ndyo a̱ni, nyi nyia̱ mba ndyo a̱nia. Si̱ huni hwa yet a̱tyin a̱lyiat nang doka ma̱ng a̱yaata̱m a̱kwonu A̱gwaza ba tyiet a̱ni.

Vak hu ku naat a̱mali swuan ka a̱ni vwuo a̱khwu, a̱wot a̱na̱nwuai ka si̱ yet a̱tsak a̱fa̱fap wa. Á̱niet ba̱ shyat vak hu ma̱ng a̱na̱nwuai a̱kya a̱ni, shi á̱kpa bah.

“Nyi nwuo da̱ a̱bafa̱fap a̱na̱nwuai ka̱ vwuo a̱khwu a̱ni, kikya naat ma̱ng a̱nyin mi̱ Tyok Ma A̱gwaza tswazwa hu. Mat vak hu ku naat ma̱ a̱khwu ka a̱ni, shi á̱kpai ku si̱ byia̱ nyinyang di̱ chyet. A̱wot a̱na̱nwuai ka bu shi á̱kpai, á̱niet ba̱ nwuai da̱ nka a̱ni, shi á̱kpa.

Ka̱ nyin á̱niet á̱ka̱tuk nyia̱ lyen si̱sak nang nyi na nka̱u mman nyin na a̱tan nkyang a̱ni, ku fa A̱tyia̱ nyin wu a̱ shya̱ tswazwa ka a̱ni, a̱ na nang á̱niet ba̱ lyip gu a̱ni a̱tan nkyang a̱ swaak.

“Nyi yok nyia̱ á̱ghyang nyin shi̱ri̱ya bah. A̱wot nyin meang, á̱ ma na nyia̱ nyin shi̱ri̱ya bah. Shi̱ri̱ya nang nyi nyia̱ á̱ghyang á̱niet ndyo a̱ni, jija nang á̱ na nyia̱ nyin ndyo. A̱wot kweanghyi ji nang nyi mmak á̱ghyang á̱niet ndyo a̱ni, jija á̱ na mmak nyin ndyo.

A̱wot konyan wa fa̱k a̱lyiat nung na da̱nang gu nyia̱ ta̱m ma̱ng á̱na a̱ni bah, á̱ na tyan gu ma̱ng a̱bwuon a̱yin a̱ nok a̱li nggu ka tazwa a̱ji̱jak a̱ni.

“Yihwa mbyia̱ nang a nwuan a̱bachinchyat ma̱ a̱li a̱kpa̱ndang swat ang ka, a̱wot a̱gut nkwon ka̱ shya̱ mi̱ si̱ nwan tswa a̱li ji̱ a̱ni, a li nka baa? Ma a̱nia wa, a na nyia̱ ni a ndam a hyia̱ ma̱ng a̱kpa̱ndang swat ang wu nyia̱, ‘Yok n beang ang ti̱n a̱bachinchyat ma̱ a̱li ang ka,’ a̱wot nang a̱gut nkwon nyim tswa a̱li ang ji?

“Nyi ta̱bam ma̱ng a̱yaata̱m ba̱ kyiak pyipyia̱ mba ba̱ yet á̱tsak a̱yaata̱m a̱kwonu A̱gwaza bya, ba̱ chong da̱ a̱vwuo nyin ma̱ng á̱kukwa zón seap ji̱ sang lyen a̱ni, a̱wot mami nfwuo mba na, ba̱ yet a̱ka̱bwu a̱yit nia na̱ byia̱ lyen na̱ ghwut á̱ kat á̱ chat kyayak nang ba̱ na ya di̱ wuwok a̱ni. Mat nta̱m ba ni̱nia nyi na nfi̱k baa. “Á̱ si̱ mi̱n kpa̱i sum a̱na̱p da̱ a̱kwon dundu a; ku á̱ kpa̱i a̱bwabwap da̱ a̱kwon babanyak a?

Ma a̱nia wa, kuzang a̱tan a̱kwon ni̱ tyia̱ a̱tan sum, a̱wot a̱bombwon a̱kwon a̱ tyei a̱bombwon sum.

A̱tan a̱kwon si̱ mi̱n tyei a̱bombwon sum bah, da̱ a̱bombwon a̱kwon a̱ si̱ mi̱n tyei a̱tan sum bah.

Kuzang a̱kwon di̱ ka̱ tyei a̱tan sum a̱ni bah, á̱ ni̱ tyap kaa á̱ tyia̱ nka mi̱ ndong.