Vinsæl biblíuvers úr Yakubu 3

A̱wot mumwang hu ku neet Ma A̱gwaza tswazwa a̱ni; di̱n tsa hu, ku yet a̱za̱za̱rak wa. Ku si̱ bu tyei swat nyinyang, nyia̱ shonshyon ma̱ng gwai á̱ghyang, ghyuai a̱pyia̱, ma̱ng fwuong kunak á̱ghyang. A̱tyu a̱ byia̱ mumwang a̱hwa a̱ni, a̱ ni̱ yong mi̱ di̱ nyia̱ a̱tan nta̱m. Da̱ nggu, a̱ khai á̱niet da̱ á̱ghyi bah. A̱wot a̱ si̱ yong da̱ a̱chuchuk kuzang jen.

A̱nyan wa mami nyin byia̱ mumwang ma̱ng lyen nggu hu? Ka̱ a̱nia wa, gu tak hu di̱ swan a̱tsotswat nswat, di̱ nyia̱ a̱tan nta̱m ma̱ng ghyuai a̱pyia̱ nang mumwang hu nnwuat a̱ni.

A̱wot á̱niet ba̱ tyei swat nyinyang a̱ni, ba̱ chyui zwá swat nyinyang ja. A̱wot ba̱ bu na chak ba̱ shya̱ zang nyia̱ tsotswat.

Kuzang a̱vwuo nang á̱ nkwi swam ma̱ng á̱ghyang, á̱ si̱ chat a̱pyia̱ di̱ kyiak nang á̱ ndan á̱ghyang á̱niet a̱ni, a̱ja wa nang á̱ nkwan, a̱ja wa nang kuzang tangka̱i a̱ka̱kpa̱t ma̱ng a̱ka̱tuk nshya̱.

Kikya nang zi̱ ndyep A̱gwaza a̱ yet A̱tyoli nzi̱t wu a̱ni. Kikya zi̱ bu nfwoi á̱niet ba nang A̱gwaza mat ba̱ tai nggu a̱ni. Ma̱ a̱nu a̱nyiung kikya nang dyep ma̱ng fwoi nghwut. Nyin á̱niet khwi Yesu ba nang n chat a̱ni, a̱tsak a̱lyiat, ku myim a̱nia bah!

A̱lyem a̱tyubishyi ka li nang a̱lya̱ra̱p ndong a̱ni, ka̱ shya̱ mi̱ vam a̱tyubishyi. A̱wot ka̱ tyei a̱tyubishyi gu nyia̱ a̱ka̱kpa̱t. Ki̱ ka̱ doot ka̱ tyia̱ a̱mgba̱m swuan a̱tyubishyi ji, ji̱ ta̱bat long. A̱wot nka ma̱ a̱pyia̱ nka, á̱ na fwui nka ma̱ a̱nga̱ngak ndong sang sangba̱p.

A̱wot á̱ mbyia̱ a̱tyu a̱ si̱ mi̱n chok a̱lyem a̱ni bah. Ka̱ byia̱ fwung di̱ nyia̱ a̱ka̱tuk bah, ka̱ si̱ li nang a̱sap ka̱ hyaai a̱ni.

Nyin á̱niet khwi Yesu ba nang n chat a̱ni, nyi yok la̱u á̱kpa di̱ chat yet á̱niet tyiet bah. Mat nyi lyen nzi̱t á̱niet tyiet, shi̱ri̱ya nzi̱t ji na swak si̱ á̱kum á̱niet ji.